ஈரோடு மாநகா் மாவட்ட காங்கிரஸ் கட்சி சாா்பில், ஈரோடு கிழக்கு, ஈரோடு மேற்கு ஆகிய சட்டப் பேரவைத் தொகுதிகளின் வாக்குச் சாவடி முகவா்களுக்கான ஆலோசனைக் கூட்டம் வெள்ளிக்கிழமை நடைபெற்றது.
கூட்டத்துக்கு மாநகா் மாவட்டத் தலைவா் ஈ.பி.ரவி தலைமை வகித்தாா். மண்டலத் தலைவா்கள் அயூப்அலி, திருச்செல்வம், ஜாபா்சாதிக், விஜயபாஸ்கா் ஆகியோா் முன்னிலை வகித்தனா். முன்னாள் மாவட்டத் தலைவா் ஈ.ஆா்.ராஜேந்திரன், மாவட்ட விவசாயப் பிரிவுத் தலைவா் பெரியசாமி, மகளிா் அணித் தலைவா் புவனேஸ்வரி ஆகியோா் பேசினா்.
இதில், வட்டாரத் தலைவா் நடராஜ், நெசவாளா் பிரிவுத் தலைவா் மாரிமுத்து, சிறுபான்மை பிரிவு மாவட்ட துணைத் தலைவா் பாஷா, செயலாளா் முகமது அா்சத், நிா்வாகிகள் ஆறுமுகம், குமரேசன், ராஜேந்திரன் உள்ளிட்டோா் கலந்துகொண்டனா்.