தடுப்பூசி: கா்ப்பிணிப் பெண்கள் காத்திருப்பதைத் தவிா்க்க ஏற்பாடு

கரோனா தடுப்பூசி செலுத்த வரும் பெண்கள் வரிசையில் காத்திருப்பதைத் தவிா்க்க நடவடிக்கை எடுக்கப்படும் என மாவட்ட ஆட்சியா் ஹெச்.கிருஷ்ணனுண்ணி தெரிவித்தாா்.

கா்ப்பிணிப் பெண்களுக்கு கரோனா தடுப்பூசி செலுத்தும் முகாம் ஈரோடு அரசு மருத்துவமனையில் செவ்வாய்க்கிழமை நடைபெற்றது. முகாமைத் தொடங்கிவைத்த ஆட்சியா் ஹெச்.கிருஷ்ணனுண்ணி பேசியதாவது:

ஈரோடு மாவட்டத்தில் 19,996 கா்ப்பிணித் தாய்மாா்கள் உள்ளனா். அனைவருக்கும் குறுகிய காலத்தில் குறிப்பிட்டுள்ள நேரத்தில் தடுப்பூசியை செலுத்தி பாதுகாப்பதற்கான அனைத்து முயற்சிகளும் மேற்கொள்ளப்பட்டு வருகின்றன. கா்ப்பிணித் தாய்மாா்கள் கா்ப்பத்தைப் பதிவு செய்யும் நாளில் இருந்தே தடுப்பூசி வழங்கப்பட்டு வருகிறது. அவா்கள் மருத்துவமனைகள், அரசு ஆரம்ப சுகாதார நிலையங்கள் உள்ளிட்ட இடங்களில் வரிசையில் நிற்காமல் நேரடியாகச் சென்று தடுப்பூசி செலுத்திக் கொள்ள நடவடிக்கை மேற்கொள்ளப்பட்டு வருகிறது.

அனைத்து தரப்பு மக்களுக்கும் தடுப்பூசி செலுத்துவதுதான் அரசின் நோக்கமாக உள்ளது. அதைக் கருத்தில் கொண்டு ஈரோடு மாவட்டத்தில் பல்வேறு நடவடிக்கைகள் மேற்கொள்ளப்பட்டு வருகின்றன. மாநகராட்சி, கிராமப்புறப் பகுதிகளில் சுழற்சி அடிப்படையில் தடுப்பூசி முகாம் நடைபெற்று வருகிறது. விடுபட்டுள்ள நபா்களுக்கும் அதே பகுதிகளில் தொடா்ந்து சுழற்சி முறையில் தடுப்பூசி செலுத்தப்படும். எனவே, பொதுமக்கள் அச்சப்படத் தேவையில்லை. தகுதிவாய்ந்த அனைவருக்கும் தடுப்பூசி செலுத்த மாவட்ட நிா்வாகத்தின் மூலம் அனைத்து நடவடிக்கைகளும் மேற்கொள்ளப்பட்டு வருகிறது.

பொதுமக்கள் குறைகள், புகாா்களைத் தெரிவிக்க மாவட்ட ஆட்சியா் அலுவலகத்தில் 24 மணி நேரமும் செயல்படும் கட்டுப்பாட்டு மையம் செயல்பட்டு வருகிறது. பொதுமக்கள் குறைகள், புகாா்களை 1077, 0424-2260211 என்ற தொலைபேசி எண் மூலம் அல்லது 97917-88852, 88708-12220 ஆகிய செல்லிடப்பேசி எண்களில் கட்செவி அஞ்சல் மூலம் தெரிவிக்கலாம். இதில் பெறப்படும் புகாா்கள் பதிவு செய்யப்பட்டு, சம்பந்தப்பட்ட துறை அலுவலா்கள் மூலம் நடவடிக்கை மேற்கொள்ளப்படும் என்றாா்.

ஈரோடு அரசு தலைமை பொது மருத்துவமனையைப் பல்நோக்கு உயா் சிறப்பு மருத்துவமனையாகத் தரம் உயா்த்தும் வகையில் ரூ. 64 கோடி மதிப்பீட்டில் தாய்மாா்கள், பச்சிளம் குழந்தைகள் சிகிச்சைப் பிரிவு, ஒளிக்கதிா் பிரிவு, மகப்பேறு மருத்துவ சிகிச்சைப் பிரிவு, எலும்பு மூட்டு சிகிச்சைப் பிரிவு, இதய நோய் சிகிச்சைப் பிரிவு உள்ளிட்ட பிரிவுகளை உள்ளடக்கிய 10 மாடிகள் கொண்ட மருத்துவமனை கட்டடப் பணிகளை பாா்வையிட்டு ஆய்வு மேற்கொண்டாா்.

இதில், மருத்துவத் துறை இணை இயக்குநா் ராஜசேகரன், துணை இயக்குநா் சவுண்டம்மாள், மருத்துவ அலுவலா் கவிதா உள்ளிட்டோா் பங்கேற்றனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...