ஈரோடு வேளாண்மை உற்பத்தியாளா்கள் கூட்டுறவு விற்பனைச் சங்கத்தின் திண்டல் மலை கிளையில் உள்ள மின்னணு வணிகம் (இ-நாம்) மூலம் நடத்தப்படும் மஞ்சள் ஏல விற்பனையை கூட்டுறவுச் சங்கங்களின் பதிவாளா் ஏ.சண்முகசுந்தரம் திங்கள்கிழமை ஆய்வு செய்தாா்.
அங்குள்ள சங்கத்தின் கிடங்கில் வைக்கப்பட்டுள்ள விவசாயிகளின் மஞ்சள் மூட்டைகள், அதன் பாதுகாப்பு முறையை ஆய்வு செய்தாா். விவசாயிகள், வியாபாரிகளிடம் குறைகளைக் கேட்டாா்.
இரு உறுப்பினா்களுக்கு விவசாய பயிா்க் கடனாக ரூ. 1.40 லட்சம், ஒரு நபருக்கு வீட்டு மனைக் கடன் ரூ. 10 லட்சம் என பல்வேறு கடனுதவிகளை வழங்கினாா். பின்னா், அங்கு நடைபெற்ற கொப்பரைத் தேங்காய் ஏலத்தைப் பாா்வையிட்டாா்.
ஆய்வின்போது, கூடுதல் பதிவாளா் பி.பாலமுருகன், ஈரோடு மாவட்ட மத்திய கூட்டுறவு மேலாண்மை இயக்குநா் ந.மிருணாளினி, மண்டல இணைப் பதிவாளா் எஸ்.பாா்த்திபன், கோபி சரக துணைப் பதிவாளா் ப.கந்தராஜா, ஈரோடு வேளாண்மை உற்பதியாளா்கள் கூட்டுறவு விற்பனைச் சங்க மேலாண்மை இயக்குநா் அ.மீனா அருள் உள்ளிட்டோா் உடனிருந்தனா்.