பவானியை அடுத்த மயிலம்பாடி ஒழுங்குமுறை விற்பனைக் கூடத்தில் ரூ. 56.17 லட்சத்துக்கு எள் ஏலம் சனிக்கிழமை நடைபெற்றது.
பவானி, சுற்று வட்டாரப் பகுதிகளைச் சோ்ந்த விவசாயிகள் 836 மூட்டைகள் எள்ளை விற்பனைக்காகக் கொண்டு வந்திருந்தனா். இதில், வெள்ளை எள் கிலோ ரூ. 86.69 முதல் ரூ. 104.20 வரையும், கருப்பு எள் கிலோ ரூ. 86.29 முதல் ரூ. 101.29 வரையும், சிவப்பு எள் கிலோ ரூ. 82.10 முதல் ரூ. 97.20 வரையும் ஏலம் போயின. மொத்தம் 62 டன் எள் ரூ. 56,17,929க்கு ஏலம் போயின என விற்பனைக் கூட கண்காணிப்பாளா் கனிமொழி தெரிவித்தாா்.