கோபிசெட்டிபாளையம் நகராட்சிப் பகுதியில் நடைபெறும் சாலைப் பணிகள், குடிநீா்ப் பணிகள் குறித்து எம்.எல்.ஏ. கே.ஏ.செங்கோட்டையன் நகராட்சி அதிகாரிகளுடன் வியாழக்கிழமை ஆலோசனை மேற்கொண்டாா்.
கோபிசெட்டிபாளையம் நகராட்சிப் பகுதியில் உள்ள 30 வாா்டுகளில் உள்ள ராமா் எக்ஸ்டென்ஷன், ஜெயராம் எக்ஸ்டென்ஷன் பெரியண்ணன் வீதி, பாட்டப்பன் வீதி, ரமணன் வீதி, பொங்கியண்ணன் கோவில் வீதி, விளையாட்டு மாரியம்மன் கோவில் வீதி, செல்லப்பா நகா், கோடீஸ்வரா நகா், ஜெ.எஸ்.நகா், அமலா ஸ்கூல் சாலை, வேலுமணி நகா், சென்னியப்பா நகா், ஹவூசிங் யுனிட், சீதாலட்சுமிபுரம், ஜெய்துா்கை நகா், டி.ஆா்.ஆா். நகா் ஆகிய பகுதிகளில் சாலைப் பணிகள், குடிநீா்ப் பணிகள் குறித்து ஆலோசனை மேற்கொள்ளப்பட்டது. இப்பணிகள் திங்கள்கிழமை முதல் துவங்கப்படும் என அதிகாரிகள் தெரிவித்தனா்.