ஈரோடு மாவட்டத்தில் வருவாய்த் தீா்வாயம் எனப்படும் ஜமாபந்தி ஜூன் 23 முதல் 29ஆம் தேதி வரை அந்தந்த வருவாய் வட்டங்களில் நடைபெறவுள்ளது.
கரோனா தொற்றால் பல்வேறு தடுப்புப் பணிகள் மேற்கொள்ளப்படுகின்றன. ஜமாபந்தியில் பெறப்படும் மனுக்கள் அனைத்தும், இணையவழியில் அல்லது இ-சேவை மையம் மூலம் பெற ஏற்பாடு செய்யப்பட்டுள்ளது.
பொதுமக்கள் கோரிக்கை மனுக்களை, தாங்களாகவே இணைய வழியில் இணையதள முகவரியைப் பயன்படுத்தி அல்லது இ-சேவை மையங்கள் மூலம் ஜூலை 31ஆம் தேதி வரை மனு அளிக்கலாம். அம்மனுக்களுக்கு உரிய தீா்வு காணப்படும் என மாவட்ட ஆட்சியா் சி.கதிரவன் வெளியிட்ட செய்திக் குறிப்பில் தெரிவிக்கப்பட்டுள்ளது.