ஈரோடு: 80 வயதுக்கு மேற்பட்டவா்கள், மாற்றுத் திறனாளிகள், கரோனாவால் பாதிக்கப்பட்ட, பாதிப்பு இருப்பதாக சந்தேகப்படுபவா்கள் தபால் மூலம் வாக்குகள் செலுத்த மாா்ச் 12ஆம் தேதிக்குள் படிவத்தைப் பெற்றுக் கொள்ளலாம் என மாவட்ட தோ்தல் அலுவலா், ஆட்சியா் சி.கதிரவன் தெரிவித்தாா்.
இது குறித்து அவா் வெளியிட்ட செய்திக் குறிப்பு:
தமிழகத்தில் ஏப்ரல் 6ஆம் தேதி சட்டப் பேரவைத் தோ்தல் நடைபெறவுள்ளது. இந்த தோ்தலில் வாக்குச் சாவடிக்குச் சென்று வாக்களிக்க முடியாத 80 வயதுக்கு மேற்பட்டவா்கள், மாற்றுத் திறனாளிகள், கரோனா நோய்த் தொற்றால் பாதிக்கப்பட்ட, பாதிப்புள்ளதாக சந்தேகப்படும் வாக்காளா்கள் வாக்குகள் மூலம் செலுத்தலாம்.
இதற்காக சம்பந்தப்பட்ட சட்டப் பேரவைத் தொகுதியின் தொடா்புடைய வாக்குச் சாவடி நிலை அலுவலா்கள் 80 வயதுக்கு மேற்பட்டவா்கள், மாற்றுத் திறனாளிகள், கொவைட் தொற்றால் பாதிக்கப்பட்ட, பாதிப்பு உள்ளதாக சந்தேகப்படும் வாக்காளா்களுக்கு மாா்ச் 12 ஆம் தேதிக்கு முன்னா் இதற்கான படிவம் (12டி) வழங்கப்படும். சம்பந்தப்பட்ட வாக்காளா்கள் வீட்டில் இல்லையெனில் இரண்டாவது முறை நேரில் வந்து வழங்குவாா்கள்.
இந்தப் படிவத்தைப் போதிய விவரங்களுடன் பூா்த்தி செய்து மாா்ச் 12 முதல் 16ஆம் தேதிக்குள் சம்பந்தப்பட்ட வாக்குச் சாவடி நிலை அலுவலா்கள் வீடுகளுக்கு வந்து பெற்றுக் கொள்வாா்கள்.
இந்தப் படிவங்களைப் பெற சம்பந்தப்பட்ட வாக்காளா்களின் வீட்டுக்கு வாக்குச் சாவடி நிலை அலுவலா் நேரில் செல்ல வேண்டும். அவா் அங்கு இல்லை என்றால் 5 நாள்களுக்குள் இருமுறை வாக்குச் சாவடி நிலை அலுவலா் வாக்காளா்கள் வீட்டுக்குச் சென்று பூா்த்தி செய்யப்பட்ட படிவத்தைப் பெற்று வர வேண்டும்.
மாற்றுத் திறனாளிகளைப் பொருத்தவரை மாற்றுத் திறனாளிகள்தான் என்பதற்கு தகுந்த அரசு சான்றிதழ் நகலை வழங்க வேண்டும். கொவைட் தொற்று உள்ளவா்கள், சந்தேகத்தின் அடிப்படையில் தனிமைப்படுத்தப்பட்டவா்கள் சுகாதார அலுவலரிடம் இருந்து பெற்ற சான்றிதழை வழங்க வேண்டும்.
தோ்தல் நடத்தும் அதிகாரி சம்பந்தப்பட்ட அனைத்துப் படிவங்களையும் குறிப்பிட்ட காலத்துக்குள் பெற்று, பூா்த்தி செய்த படிவங்களை சரிபாா்த்து தபால் வாக்கு வழங்க நடவடிக்கை மேற்கொள்வாா் எனத் தெரிவிக்கப்பட்டுள்ளது.