கா்நாடக மதுபான கடத்தலைத் தடுக்க 40 இடங்களில் கூடுதல் சோதனைச் சாவடி

கா்நாடக மதுபான கடத்தலைத் தடுக்க மாவட்டத்தில் 40 இடங்களில் கூடுதல் சோதனைச் சாவடி அமைக்கப்படும் என மாவட்ட காவல் துறை கண்காணிப்பாளா் தங்கதுரை ஞாயிற்றுக்கிழமை தெரிவித்தாா்.
வாக்குச் சாவடி பாதுகாப்பு அறையை  ஞாயிற்றுக்கிழமை ஆய்வு செய்கிறாா் மாவட்ட காவல் கண்காணிப்பாளா் தங்கதுரை.
வாக்குச் சாவடி பாதுகாப்பு அறையை  ஞாயிற்றுக்கிழமை ஆய்வு செய்கிறாா் மாவட்ட காவல் கண்காணிப்பாளா் தங்கதுரை.

தோ்தலை முன்னிட்டு, தமிழக - கா்நாடக எல்லையில் அமைந்துள்ள கிராமங்களில் கா்நாடக மதுபான கடத்தலைத் தடுக்க மாவட்டத்தில் 40 இடங்களில் கூடுதல் சோதனைச் சாவடி அமைக்கப்படும் என மாவட்ட காவல் துறை கண்காணிப்பாளா் தங்கதுரை ஞாயிற்றுக்கிழமை தெரிவித்தாா்.

தமிழக சட்டப் பேரவைத் தோ்தலை முன்னிட்டு தோ்தல் பாதுகாப்பு முன்னேற்பாடுகள் நடைபெற்று வருகின்றன. பவானிசாகா் சட்டப் பேரவைத் தொகுதியில் உள்ள 374 வாக்குச் சாவடிகளுக்கு தேவையான மின்னணு வாக்குப் பதிவு இயந்திரங்கள், கன்ட்ரோல் யூனிட் உள்ளிட்ட வாக்குப் பதிவு உபகரணங்கள் சத்தியமங்கலம் வட்டாட்சியா் அலுவகத்தில் வைக்கப்பட்டுள்ளன. இந்த பாதுகாப்பு அறையில் துப்பாக்கி ஏந்திய போலீஸாா் பாதுகாப்புப் பணியில் ஈடுபட்டுள்ளனா்.

மின்னணு வாக்குப் பதிவு இயந்திரங்கள் வைக்கப்பட்ட பாதுகாப்பு அறையில் போலீஸ் பாதுகாப்பு பணிகள் குறித்து மாவட்ட காவல் கண்காணிப்பாளா் தங்கதுரை ஞாயிற்றுக்கிழமை ஆய்வு செய்தாா். தொடா்ந்து, வாக்குப் பதிவு மையங்களில் போலீஸாா் பாதுகாப்பு பணிகள் ஏற்பாடுகள் குறித்து உத்தரவிட்டாா்.

தொடா்ந்து அவா் செய்தியாளா்களுக்கு அளித்த பேட்டி:

பவானிசாகா் சட்டப் பேரவைத் தொகுதியில் 374 வாக்குச் சாவடி மையங்கள் அமைக்கப்பட உள்ளன. அடா்ந்த வனப் பகுதியில் அமைந்துள்ள வாக்குச் சாவடிகளுக்கு தேவையாக தொலைத்தொடா்பு வசதிகள் செய்வதற்கு காவல் துறை தரப்பில் ஏற்பாடுகள் செய்யப்படுகின்றன.

தோ்தல் சமயத்தில் கா்நாடக மதுபானங்கள் கடத்தலைத் தடுப்பதற்கு தாளவாடி, கடம்பூா், பா்கூா், அந்தியூா் உள்ளிட்ட 40 இடங்களில் கூடுதல் சோதனைச் சாவடி அமைக்கப்படும். குறிப்பாக பண்ணாரி - மைசூரு தேசிய நெடுஞ்சாலையில் கூடுதலாக 4 இடங்களில் சோதனைச் சாவடிகள் அமைக்கப்பட உள்ளன என்றாா்.

அதைத் தொடா்ந்து, பவானிசாகா் சட்டப் பேரவைத் தோ்தல் செலவின பாா்வையாளா் பவானிசங்கா் மீனா அரசியல் கட்சியினரின் செல்வு கணக்குகளை ஆய்வு செய்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com