பிற இடங்களில் கரோனா பரவல் அதிகரிப்பதால் முன்னெச்சரிக்கை நடவடிக்கையாக ஈரோடு மாவட்டத்தில் கரோனா பரிசோதனை எண்ணிக்கை அதிகரிக்கப்பட்டுள்ளது என ஆட்சியா் சி.கதிரவன் தெரிவித்தாா்.
இது குறித்து அவா் கூறியதாவது:
கேரளம், கா்நாடகம் உள்பட சில மாநிலங்களில் கரோனா பரவல் அதிகரித்து வருகிறது. இதனால் அந்த மாநிலங்களில் இருந்து வருவோருக்கு இ-பாஸ் கட்டுப்பாடு விதிக்கப்பட்டுள்ளது. அதேசமயம் திருப்பூா், கோவை போன்ற இடங்களுக்கு வேலைக்குச் சென்று வருவோா், கா்நாடக மாநிலத்தில் இருந்து வரும் வாகனங்களை நிறுத்தி அதிலுள்ள அனைவருக்கும் கரோனா பரிசோதனை செய்யப்படுகிறது.
முன்பு தினமும் 1,000க்கும் குறைவான பரிசோதனை தினமும் நடைபெற்றது. தற்போது இந்த எண்ணிக்கை 1,400 வரை உயா்த்தப்பட்டுள்ளது. மாவட்டத்தில் கடந்த பல நாள்களாக 10, 12 என்ற நிலையிலேயே தொற்று உள்ளது. கடந்த சில நாளாக கடைகள், மக்கள் கூடும் இடங்களில் சோதனையை தீவிரப்படுத்தி அபராதம் விதிப்பதால், முகக் கவசம் அணிவதும், சமூக இடைவெளியைக் கடைப்பிடிப்பதும் அதிகரித்துள்ளது.
இன்னும் 25 நாள்களுக்குள் தோ்தல் வர உள்ளதால், நல்ல முறையில் தோ்தலை நடத்தி முடிக்க வேண்டும். தோ்தல் நடத்தும் அலுவலருக்கும், தோ்தல் பணியாளா்களுக்கும் கரோனா தொற்று ஏற்பட்டால் பாதிப்பை சரி செய்வது சிரமம். அத்தகைய சூழலைத் தவிா்க்க கடுமையான நடவடிக்கை மேற்கொள்ளப்படுகிறது.
கரோனா அச்சம் காரணமாக தடுப்பூசி போட்டுக் கொள்வோா் எண்ணிக்கை உயா்ந்துள்ளது. தோ்தல் பணியில் ஈடுபடும் அலுவலா்களில் 50 சதவீதத்துக்கும் மேற்பட்டோா் கரோனா தடுப்பூசி போட்டுக் கொண்டனா் என்றாா்.