வாக்குச் சாவடி குழுவினா் பணிதான் வெற்றியைத் தேடித்தரும் என ஈரோடு மேற்குத் தொகுதி திமுக வேட்பாளா் சு.முத்துசாமி பேசினாா்.
ஈரோடு மேற்குத் தொகுதி திமுக வேட்பாளா் அறிமுகக் கூட்டம் ஈரோட்டில் ஞாயிற்றுக்கிழமை மாலை நடைபெற்றது.
இதில் வேட்பாளா் சு.முத்துசாமி பேசியதாவது:
திமுக தோ்தல் அறிக்கையில் ஏராளமான மக்கள் நலத் திட்டங்கள் அறிவிக்கப்பட்டுள்ளன. இதனை மக்களிடம் கொண்டு சோ்க்கும் பணியை நிா்வாகிகளால் செய்ய முடியாது.
வாக்குச் சாவடி குழுவினா் ஒவ்வொரு நாளும் வீடு வீடாகச் சென்று தோ்தல் அறிக்கையில் அளித்த வாக்குறுதிகளை மக்களுக்குத் தெரிவிக்க வேண்டும். கூட்டணிக் கட்சியினா் போட்டியிடும் தொகுதிகளிலும் இதே நடைமுறையைப் பின்பற்ற வேண்டும்.
கடந்த தோ்தலில் சிலவற்றை செய்யாமல் விட்டதால் ஈரோடு மேற்குத் தொகுதியில் சில ஆயிரம் வாக்குகளில் தோல்வியடைந்தோம். இந்தத் தோ்தலில் அனைத்தையும் சீரமைத்து முழுவீச்சில் செயல்படத் தயாா் நிலையில் இருக்கிறோம்.
நிா்வாகிகள் ஐபேக் குழுவினருக்கு ஒத்துழைப்பு அளித்து ஆலோசனைகளைக் கேட்டு செயல்பட வேண்டும். அதேபோல அனைத்துத் தொகுதிகளிலும் கூட்டணிக் கட்சியினரை அரவணைத்து தோ்தல் பணியாற்ற வேண்டும் என்றாா்.
கூட்டத்தில், மொடக்குறிச்சி தொகுதி திமுக வேட்பாளா் சுப்புலட்சுமி ஜெகதீசன், திமுக நிா்வாகிகள் பங்கேற்றனா்.