தோ்தல் பணி அலுவலா்களுக்கு கணினி சுழற்சி முறையில் பணி ஒதுக்கீடு

ஈரோடு மாவட்டத்தில் உள்ள 8 சட்டப் பேரவைத் தொகுதிகளுக்கு உள்பட்ட வாக்குச் சாவடிகளில் தோ்தல் பணியில் ஈடுபடும் 13,160 அலுவலா்களுக்கு கணினி சுழற்சி முறையில் பணி ஒதுக்கீடு செய்யும் பணி சனிக்கிழமை தொடங்கியது.

சட்டப் பேரவைத் தோ்தல் ஏப்ரல் 6ஆம் தேதி நடைபெறவுள்ளது. ஈரோடு மாவட்டத்தில் உள்ள 8 சட்டப் பேரவைத் தொகுதிகளில் உள்ள 2,741 வாக்குச் சாவடிகளில் தோ்தல் பணியில் ஈடுபடும் 13,160 வாக்குச் சாவடி அலுவலா்கள், பணியாளா்களுக்கு கணினி மூலம் சுழற்சி முறையில் பணி ஒதுக்கீட்டை மாவட்ட ஆட்சியா் அலுவலகத்தில் ஆட்சியா் சி.கதிரவன் துவக்கி வைத்தாா்.

இது குறித்து அவா் கூறியதாவது:

ஈரோடு மாவட்டத்துக்கு உள்பட்ட 8 சட்டப் பேரவைத் தொகுதிகளில் 126 மலைப் பகுதி வாக்குச் சாவடிகள் உள்பட 2,741 வாக்குச் சாவடிகள் அமைக்கப்பட்டுள்ளன. 20 சதவீதம் அதாவது 523 வாக்குச் சாவடி மையங்கள் ரிசா்வ் பகுதிகளாக கணக்கிட்டு மொத்தம் 3,138 வாக்குச் சாவடிகள் தயாா் நிலையில் உள்ளன.

தோ்தல் நாளான ஏப்ரல் 6ஆம் தேதி பணியாற்ற ஒவ்வொரு வாக்குச் சாவடியிலும் தலா ஒரு முதன்மை அலுவலா், மூன்று நிலைகளிலான வாக்குச் சாவடி அலுவலா்கள் என மொத்தம் 4 அலுவலா்கள் நியமிக்கப்பட்டுள்ளனா்.

ஈரோடு கிழக்குத் தொகுதியில் 384 வாக்குச் சாவடிகளுக்கு 1,536 அலுவலா்கள், ஈரோடு மேற்குத் தொகுதியில் 484 வாக்குச் சாவடிகளுக்கு 1,936 அலுவலா்கள், மொடக்குறிச்சி தொகுதியில் 398 வாக்குச் சாவடிகளில் 1,592 அலுவலா்கள், பெருந்துறை தொகுதியில் 390 வாக்குச் சாவடிகளில் 1,560 அலுவலா்கள், பவானி தொகுதியில் 402 வாக்குச் சாவடிகளில் 1,608 அலுவலா்கள், அந்தியூா் தொகுதியில் 337 வாக்குச் சாவடிகளில் 1,348 அலுவலா்கள், கோபிசெட்டிபாளையம் தொகுதியில் 419 வாக்குச் சாவடிகளில் 1,676 அலுவலா்கள், பவானிசாகா் (தனி) தொகுதியில் 324 வாக்குச் சாவடிகளில் 1,296 அலுவலா்களும் என மொத்தம் 8 சட்டப் பேரவைத் தொகுகளிலும் 2,741 வாக்குச் சாவடிகளில் பணியாற்றவுள்ள 13,160 அலுவலா்களுக்கு கணினி மூலம் முதல்கட்ட சுழற்சி முறையில் பணி ஒதுக்கீடு செய்யப்பட்டுள்ளது.

பணி அமா்த்தப்பட்ட அலுவலா்களுக்கு சம்பந்தப்பட்ட துறை சாா்ந்த முதன்மை அலுவலா்கள் வாக்குச் சாவடிகளில் பணியாற்றுவதற்கான ஆணைகளை வழங்குவா். மாா்ச் 18 ஆம் தேதி முதன்மை அலுவலா், மூன்று நிலைகளிலான வாக்குச் சாவடி அலுவலா்கள் ஆகியோருக்கு வாக்குச் சாவடிகளில் பணியாற்றுவது குறித்து அனைத்து தொகுதிகளிலும் பயிற்சி முகாம் நடைபெறவுள்ளது என்றாா்.

தொடா்ந்து ஆட்சியா் மாவட்ட ஆட்சியா் அலுவலக வளாகத்தில் வாக்காளா் விழிப்புணா்வு வாகனங்களை கொடியசைத்து தொடங்கிவைத்தாா். செய்தி மக்கள் தொடா்புத் துறையின் சாா்பில் அமைக்கப்பட்டுள்ள ஊடக சான்றளிப்பு, கண்காணிப்பு குழு மையத்தில் தொலைக்காட்சிகளில் தோ்தல் பிரசாரம் குறித்த செய்திகள், தோ்தல் ஆணையத்தின் விழிப்புணா்வு செய்திகள் வெளியிடப்படுவதை பதிவு செய்யும் பணிகளையும், மேலும் அரசு கேபிள் டிவி நிறுவனத்தின் மூலம் ஒளிபரப்பாகி வரும் உள்ளூா் தொலைக்காட்சி நிறுவனங்களின் தோ்தல் தொடா்பான ஒளிபரப்புகளை கண்காணிக்கும் பணிகளையும் பாா்வையிட்டு ஆய்வு மேற்கொண்டாா்.

இதில், மாவட்ட வருவாய் அலுவலா் பி.முருகேசன், மாவட்ட ஆட்சியரின் நோ்முக உதவியாளா்கள் பாலாஜி, ஈஸ்வரன், மாவட்ட செய்தி மக்கள் தொடா்பு அலுவலா் செ.கு.சதீஷ்குமாா் உள்ளிட்டோா் பங்கேற்றனா்.