கடந்த 10 ஆண்டுகளாக சீரமைக்கப்படாத சாலைகள் அனைத்தும் ஓராண்டு காலத்தில் சீரமைக்கப்படும் என ஈரோடு மேற்குத் தொகுதி திமுக வேட்பாளா் சு.முத்துசாமி தெரிவித்தாா்.
ஈரோடு கொல்லம்பாளையம், நாடாா்மேடு, கோணவாய்க்கால் பகுதிகளில் செவ்வாய்க்கிழமை வாக்கு சேகரித்த அவா் பேசியதாவது:
திமுக ஆட்சிக்கு வந்த ஓராண்டு காலத்துக்குள் ஈரோடு மேற்குத் தொகுதியில் அதிமுக ஆட்சியில் கடந்த 10 ஆண்டுகளாக சீரமைக்கப்படாமல் விட்ட அனைத்து சாலைகளும் சீரமைக்கப்படும். வளா்ச்சித் திட்டங்கள் என்ற பெயரில் சாலைகளில் பள்ளம் தோண்டி மாதக் கணக்கில் சீரமைக்கப்படாமல் இருக்கும் நிலை தவிா்க்கப்படும்.
ஈரோடு நகரில் போக்குவரத்து நெரிசலைக் குறைக்க நடவடிக்கை எடுக்கப்படும். ஈரோடு மேற்குத் தொகுதியில் அனைத்து கிராமங்களுக்கும் தடையில்லாமல் குடிநீா் கிடைக்கவும், சாய ஆலை பிரச்னைக்கு நிரந்தர தீா்வு காணவும், ஈரோடு மேற்குத் தொகுதியில் ஜவுளி பூங்கா அமைக்கவும் நடவடிக்கை எடுக்கப்படும் என்றாா்.