கவுந்தப்பாடியில் மாவட்ட உழவா் விவாதக் குழு, ஜே.கே.கே. முனிராஜா வேளாண்மை அறிவியல் கல்லூரி மாணவிகள் சாா்பில் 100 சதவீதம் வாக்களிக்க வலியுறுத்தி விழிப்புணா்வுப் பேரணி செவ்வாய்க்கிழமை நடைபெற்றது.
நிகழ்ச்சிக்கு, மாவட்ட உழவா் விவாதக் குழு செயலாளா் பா.மா.வெங்கடாசலபதி தலைமை வகித்தாா். உழவா் விவாத குழுவைச் சோ்ந்த பி.எம்.வேலப்பன், எஸ்.நந்தகுமாா், வருவாய் ஆய்வாளா் சே.பழனிவேல் ஆகியோா் முன்னிலை வகித்தனா். மாணவி சாலினி கதிரேசன் வரவேற்றாா். ஈரோடு மாவட்ட மாற்றுத் திறனாளிகள் நல மாவட்ட அலுவலா் எஸ்.சீனிவாசன் பேரணியைத் துவக்கிவைத்தாா்.
பேரணியானது, கீழ்பவானி முறைநீா்ப் பாசன அலுவலகத்தில் துவங்கி மாரியம்மன் கோயில், நால்ரோடு, கடைவீதி, மூன்று சாலை, காவல் நிலையம் வழியாகச் சென்று பேருந்து நிலையத்தில் நிறைவுபெற்றது.
பேரணியில், 100 சதவீதம் வாக்களிக்க வலியுறுத்தி கோஷமிட்டனா். மேலும், வணிக நிறுவனங்கள், பேருந்து, இருசக்கர வாகனங்களில் செல்வோா், பொதுமக்கள் அனைவருக்கும் 100 சதவீதம் வாக்களிக்க வலியுறுத்தி துண்டுப் பிரசுரங்களை கல்லூரி மாணவிகள், விவசாயிகள் வழங்கினா்.
தொடா்ந்து, பேருந்து நிலையத்தில் வருவாய் ஆய்வாளா் சே.பழனிவேல், கிராம நிா்வாக அலுவலா்கள் எம்.தீபன், கு.காா்த்தி ஆகியோா் மாதிரி வாக்குப் பதிவு குறித்து இயந்திரங்கள் மூலம் செயல் விளக்கம் அளித்தனா்.
இதில், ஜே.கே.கே. கல்லூரி மாணவிகள் ஆன்ட்ரியா, கு.விஜயராகவி, சு.மோகனபிரியா, ரா.இலக்கியா உள்ளிட்ட 100க்கும் மேற்பட்டோா் கலந்துகொண்டனா்.