பெருந்துறை சட்டப் பேரவைத் தொகுதி அதிமுக வேட்பாளா் ஜெயகுமாா் பெருந்துறை ஒன்றியத்துக்கு உள்பட்ட திங்களூா், கல்லாகுளம், நிச்சாம்பாளையம், கருக்குப்பாளையம் உள்ளிட்ட பகுதிகளில் செவ்வாய்க்கிழமை வாக்கு சேகரித்தாா். அப்போது அவா் பேசியதாவது:
விவசாயம், கல்விக் கடன் ரத்து, மகளிா் சுய உதவிக் குழு கடன் ரத்து, குடும்பத் தலைவிக்கு மாதம் ரூ. 1,500, ஆண்டுதோறும் விலையில்லா 6 எரிவாயு உருளை, சோலாா் மின் அடுப்பு, விலையில்லா வாஷிங் மெஷின், முதியோா் உதவித் தொகை மாதம் ரூ. 2000 உயா்த்தி வழங்கப்படும் என்றாா்.
தீ விபத்து: 2 குடிசைகள் சேதம்
பெருந்துறை, மாா்ச் 30: பெருந்துறை அருகே நேரிட்ட தீ விபத்தில் 2 குடிசைகள் செவ்வாய்க்கிழமை சேதமடைந்தன.
பெருந்துறை, கோட்டைமேடு அரிஜன காலனியைச் சோ்ந்த அண்ணன் தம்பிகளான ராமன் (38), லட்சுமணன் (38) ஆகியோா் தனியாா் நிறுவனத்தில் துப்புரவுப் பணியாளராக வேலை செய்து வருகின்றனா். இருவருடைய வீடுகள் அடுத்தடுத்து உள்ளன. வீட்டில் உள்ள அனைவரும் செவ்வாய்க்கிழமை வெளியில் சென்றுவிட்ட நிலையில் இரண்டு குடிசைகளில் தீ விபத்து ஏற்பட்டுள்ளது. இந்த விபத்தில் குடிசைகள், பணம், நகைகள் ஆகியன சேதமடைந்தன.
இதுகுறித்து தகவலறிந்த பெருந்துறை தொகுதி அதிமுக வேட்பாளா் ஜெயகுமாரின் மனைவியும், பெருந்துறை ஒன்றிய கவுன்சிலருமான சண்முகப் பிரியா ஆகியோா் நேரில் சென்று பாதிக்கப்பட்ட குடும்பத்தினருக்கு ஆறுதல் கூறினா்.