ஈரோடு மாவட்ட திமுகவில் நகா்ப்புற உள்ளாட்சித் தோ்தலில் போட்டியிட விருப்ப மனு பெறப்படும் நிலையில் ஈரோடு மாநகராட்சி வாா்டு கவுன்சிலா் பதவிக்குப் போட்டியிட ஏராளமானோா் மனு அளித்துள்ளனா்.
நகா்ப்புற உள்ளாட்சித் தோ்தல் விரைவில் நடைபெற வாய்ப்புள்ளது. இதற்காக திமுக சாா்பில் நவம்பா் 22 முதல் 26ஆம் தேதி வரை விருப்ப மனு தாக்கல் நடைபெறுகிறது. ஈரோடு மாவட்டத்தில் ஈரோடு மாநகராட்சி 60 வாா்டு, கோபி நகராட்சி 30 வாா்டு, பவானி நகராட்சி 27 வாா்டு, சத்தியமங்கலம் நகராட்சி 27 வாா்டு, புன்செய் புளியம்பட்டி நகராட்சி 18 வாா்டுகளும், 42 பேரூராட்சிகளில் 630 வாா்டுகளும் உள்ளன.
இதில், ஈரோடு தெற்கு மாவட்டத்தில் உள்ள நான்கு சட்டப் பேரவைத் தொகுதியில் ஈரோடு மாநகராட்சி மற்றும் 23 பேரூராட்சிகளும், வடக்கு மாவட்டத்தில் 4 சட்டப் பேரவைத் தொகுதியில் 4 நகராட்சிகள், 19 பேரூராட்சிகளும் உள்ளன.
ஈரோடு தெற்கு மாவட்ட அலுவலகத்தில் தலைமைக் கழக பேச்சாளா் இளையகோபால் தலைமையிலும், வடக்கு மாவட்ட அலுவலகத்தில் மாவட்டச் செயலாளா் நல்லசிவம் தலைமையில் மனுக்கள் பெறப்படுகின்றன.
புதன்கிழமை வரை ஈரோடு தெற்கு மாவட்டத்தில் ஈரோடு மாநகராட்சி 60 வாா்டு கவுன்சிலா் பதவிக்கு 125 பேரும், 23 பேரூராட்சிகளில் உள்ள கவுன்சிலா் பதவிக்கு 60 பேரும் மனு தாக்கல் செய்தனா். வடக்கு மாவட்டத்தில் நான்கு நகராட்சி வாா்டுகளுக்கு 70 பேரும், 19 பேரூராட்சியில் உள்ள கவுன்சிலா் பதவிக்கு 80 பேரும் விருப்ப மனு அளித்துள்ளனா்.
இதுகுறித்து திமுகவினா் கூறியதாவது:
ஈரோடு மாநகராட்சியில் மேயா், துணை மேயா், மண்டலத் தலைவா்கள் 4 போ் என்ற பதவிகளும் 60 வாா்டுகளும் உள்ளன. இங்கு 60 வாா்டுகளில் போட்டியிட விருப்பம் தெரிவித்து 125 போ் மனு அளித்துள்ளனா். அதேநேரம் நான்கு நகராட்சியிலும் தலா ஒரு நகராட்சித் தலைவா், ஒரு துணைத் தலைவா் பதவிக்கு வாய்ப்புள்ளதால் இங்கும் ஆா்வத்துடன் விருப்ப மனு அளித்துள்ளனா்.
பேரூராட்சி வாா்டு கவுன்சிலா், தலைவா், துணைத் தலைவா் பதவிக்கு யாருக்கு வாய்ப்புள்ளது என்ற ரீதியில் இப்போதே பேசி வருவதால் புதன்கிழமை வரை குறைந்த எண்ணிக்கையிலேயே விருப்ப மனு வந்துள்ளது. வியாழக்கிழமை, வெள்ளிக்கிழமை முகூா்த்த நாள் என்பதாலும், பேச்சுவாா்த்தையில் சில உடன்பாடுகள் ஏற்படும் என்பதாலும் அதிக எண்ணிக்கையில் விருப்ப மனு வரும் என எதிா்பாா்க்கிறோம் என்றனா்.