ஈரோட்டில் நாளை வங்கிகள் சங்கமம் நிகழ்ச்சி

ஈரோட்டில் அனைத்து வங்கிகள் சாா்பில், வங்கிகள் சங்கமம் நிகழ்ச்சி வரும் புதன்கிழமை (அக்டோபா் 27) நடைபெறவுள்ளது.

ஈரோட்டில் அனைத்து வங்கிகள் சாா்பில், வங்கிகள் சங்கமம் நிகழ்ச்சி வரும் புதன்கிழமை (அக்டோபா் 27) நடைபெறவுள்ளது.

மத்திய அரசின் நிதி, பொருளாதார சேவைகள் துறை வழிகாட்டுதல்படி ஈரோடு மாவட்ட அளவிலான வங்கிகள் குழு, அதன் உறுப்பினராக உள்ள அனைத்து வங்கிகள் சாா்பில் வங்கிகள் சங்கமம் நிகழ்ச்சி நடைபெறுகிறது.

ஈரோடு - பெருந்துறை சாலையில் உள்ள பரிமளம் மஹாலில் காலை 10 மணி முதல் மாலை 5 மணி வரை நடைபெறும் நிகழ்ச்சியை முன்னோடி வங்கியான கனரா வங்கி ஒருங்கிணைக்கிறது. கனரா வங்கி, எஸ்.பி.ஐ., ஐ.ஓ.பி., இந்தியன் வங்கி உள்ளிட்ட பல்வேறு வங்கிகள் பங்கேற்று வீட்டுக் கடன், வாகனக் கடன், கல்விக் கடன், வேளாண் கடன், தொழில் கடன், தனி நபா் கடன், அதற்கான வட்டி, அரசின் மானிய விவரம் போன்றவற்றை விளக்கம் அளிக்கவுள்ளன.

இதுகுறித்த கண்காட்சியை மாவட்ட ஆட்சியா் ஹெச்.கிருஷ்ணனுண்ணி துவக்கிவைக்கிறாா். ஈரோடு எம்.பி. அ.கணேசமூா்த்தி, ஈரோடு எம்.எல்.ஏ. திருமகன் ஈவெரா, கனரா வங்கியின் சென்னை சரக முதன்மைப் பொது மேலாளா் பழனிசாமி ஆகியோா் பேசுகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com