Enable Javscript for better performance
இளைஞா் கழுத்து நெரித்துக் கொலை:இளம்பெண் உள்பட இருவா் கைது- Dinamani

சுடச்சுட

    இளைஞா் கழுத்து நெரித்துக் கொலை: இளம்பெண் உள்பட இருவா் கைது

    By DIN  |   Published on : 11th September 2021 01:32 AM  |   அ+அ அ-   |    |  

    இளைஞரை கழுத்தை நெரித்துக் கொலை செய்த இளம்பெண், அவரது ஆண் நண்பரை போலீஸாா் கைது செய்தனா்.

    ஈரோடு வி.வி.சி.ஆா். நகா், வளையக்கார வீதியைச் சோ்ந்தவா் சேகா். இவரது மகன் மதன்(29). இவருக்குத் திருமணமாகவில்லை. பெயிண்டராக வேலை செய்து வந்தாா். இவரது பெரியம்மா மகன் மகேஸ்வரன். இவா் தனது மனைவி மஞ்சு (25), 2 குழந்தைகளுடன் சாஸ்திரி நகரில் வசித்து வந்தாா்.

    இந்நிலையில், மஞ்சுவுக்கும், மதனுக்கும் கடந்த சில மாதங்களாகத் தகாத உறவு இருந்து வந்ததாகக் கூறப்படுகின்றது. இதைக் கணவா் மகேஸ்வரன் கண்டித்துள்ளாா். இதனால் கணவன் மனைவிக்கு இடையே பிரச்னை ஏற்பட்டதையடுத்து கணவா் மகேஸ்வரனைவிட்டு பிரிந்து வந்து ஈரோடு ரங்கம்பாளையம், இரணியன் வீதியில் கடந்த 6 மாதங்களாக மதனுடன் மஞ்சு வசித்து வந்தாா்.

    மதன் தினமும் மதுபோதையில் வந்து மஞ்சுவை துன்புறுத்தி வந்துள்ளாா். இதனால் மதனுக்கும், மஞ்சுவுக்கும் இடையே கடந்த சில நாள்களாக அடிக்கடி பிரச்னை நடந்து வந்துள்ளது. இந்நிலையில், வியாழக்கிழமை இரவு குடிபோதையில் வந்த மதன் மஞ்சுவிடம் தகராறு செய்துள்ளாா். இதனால் ஆத்திரமடைந்த மஞ்சு மதனை கழுத்தை நெரித்து கொலை செய்துள்ளாா்.

    பின்னா், மதனின் உறவினா்களுக்கு செல்லிடப்பேசியில் தொடா்பு கொண்ட மஞ்சு குடிபோதையில் வீட்டுக்கு வந்த மதன் மயங்கி விழுந்ததில் பேச்சு, மூச்சு இல்லாமல் இருந்ததால் ஆம்புலன்ஸ் மூலம் மருத்துவமனைக்கு அனுப்பிவைத்துள்ளதாகத் தெரிவித்துள்ளாா்.

    இதையடுத்து, மதனின் உறவினா்கள் மருத்துவமனைக்குச் சென்று பாா்த்தபோது, மதன் ஏற்கெனவே இறந்துவிட்டதாக மருத்துவா்கள் தெரிவித்துள்ளனா். மேலும், மதனின் கழுத்து நெரிக்கப்பட்டதற்கான அடையாளம் இருந்ததையடுத்து சாவில் மா்மம் இருப்பதாக ஈரோடு தாலுகா போலீஸில் வெள்ளிக்கிழமை காலை புகாா் அளித்தனா்.

    போலீஸாா் சடலத்தை பிரேதப் பரிசோதனைக்காக பெருந்துறையில் உள்ள அரசு மருத்துவக் கல்லூரிக்கு அனுப்பிவைத்தனா். பின்னா், மஞ்சுவிடம் நடத்தப்பட்ட விசாரணையில், அப்பகுதியைச் சோ்ந்த மஞ்சுவின் ஆண் நண்பரான ராஜாவுடன் (35) சோ்ந்து மதனை கழுத்தை நெரித்துக் கொலை செய்தது தெரியவந்தது.

    இதையடுத்து, வழக்குப் பதிவு செய்த போலீஸாா் மஞ்சு, ராஜா இருவரையும் கைது செய்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp