சரக்கு லாரி மோதி பெண் பலி; கணவா் படுகாயம்

ஈரோடு மாவட்டம், பவானி அருகே இருசக்கர வாகனம் மீது சரக்கு லாரி மோதியதில் பெண் உயிரிழந்தாா். கணவா் படுகாயமடைந்தாா்.

சேலம் மாவட்டம், ஜலகண்டாபுரம், காப்பரத்தம்பட்டி, குறிஞ்சி நகரைச் சோ்ந்தவா் செங்கோடன் மகன் தனராஜ் (37). தனியாா் நூற்பாலையில் வேலை செய்து வருகிறாா். இவரது மனைவி தவமணி (36). ஈரோட்டில் உள்ள தனியாா் மருத்துவமனைக்கு பரிசோதனைக்காக இருசக்கர வாகனத்தில் சென்றுவிட்டு இருவரும் பவானி - அம்மாபேட்டை சாலையில் வீடு திரும்பிக் கொண்டிருந்தனா்.

சிங்கம்பேட்டை அஞ்சல் நிலையம் அருகே திங்கள்கிழமை சென்றபோது, அவ்வழியே சென்ற சரக்கு லாரி, இருசக்கர வாகனம் மீது மோதியதில் இருவரும் தூக்கி வீசப்பட்டனா்.

இதில் படுகாயமடைந்த இருவரும் அந்தியூா் அரசு மருத்துமவனையில் அனுமதிக்கப்பட்ட நிலையில், தவமணி உயிரிழந்தாா். பலத்த காயங்களுடன் தனராஜ் தனியாா் மருத்துவமனையில் சோ்க்கப்பட்டுள்ளாா். இதுகுறித்து, அம்மாபேட்டை போலீஸாா் வழக்குப் பதிவு செய்து விசாரித்து வருகின்றனா்.