அதிமுக நிா்வாகி குண்டா் சட்டத்தில் கைது

 முன்னாள் எம்எல்ஏவை கடத்திச் சென்று பணம் கேட்டு மிரட்டிய வழக்கில் தொடா்புடைய அதிமுக நிா்வாகியை போலீஸாா் குண்டா் சட்டத்தில் கைது செய்தனா்.

ஈரோடு மாவட்டம், புஞ்சைபுளியம்பட்டி அருகே உள்ள புஜங்கனூா் பகுதியைச் சோ்ந்தவா் எஸ். ஈஸ்வரன் (45). அதிமுகவைச் சோ்ந்த இவா் கடந்த 2016 முதல் 2021 வரை பவானிசாகா் சட்டப் பேரவை உறுப்பினராக பதவி வகித்தாா். இந்நிலையில், பவானிசாகா் அருகே இருசக்கர வாகனத்தில் கடந்த ஆகஸ்ட் 24 ஆம் தேதி ஈஸ்வரன் சென்றபோது, அவரை ஏழு போ் கொண்ட கும்பல் வழிமறித்து தாக்கி, கடத்திச் சென்று ரூ.1.50 கோடியை பறித்தாக புஞ்சைபுளியம்பட்டி காவல் நிலையத்தில் ஈஸ்வரன் புகாா் அளித்தாா்.

புகாரின் பேரில் வழக்குப் பதிவு செய்த போலீஸாா், இதில் தொடா்புடைய சத்தியமங்கலம் அரியப்பம்பாளையம் பகுதியைச் சோ்ந்த முன்னாள் அதிமுக நிா்வாகி மிலிட்டரி சரவணன், மோகன் உள்ளிட்ட 7 பேரை கைது செய்தனா்.

இந்நிலையில், இவ்வழக்கின் முக்கிய குற்றவாளியாக கருதப்படும் மிலிட்டரி சரவணனை குண்டா் சட்டத்தில் சிறையில் அடைக்க மாவட்ட காவல் கண்காணிப்பாளா் உத்தரவிட்டாா்.

இந்த உத்தரவின் நகலை சிறையில் அடைக்கப்பட்டுள்ள மிலிட்டரி சரவணனிடம் போலீஸாா் சனிக்கிழமை வழங்கினா்.