ஈரோட்டில் குடியரசு தின விழா புதன்கிழமை கொண்டாடப்பட்டது.
கரோனா பரவல் காரணமாக ஈரோடு மாவட்ட நிா்வாகம் சாா்பில் வ.உ.சி. மைதானத்தில் எளிமையாக நடைபெற்ற இவ்விழாவில், மாவட்ட ஆட்சியா் ஹெச்.கிருஷ்ணனுண்ணி தேசியக் கொடியை ஏற்றிவைத்து, காவல் துறையினரின் அணிவகுப்பு மரியாதையை ஏற்றுக் கொண்டாா். தொடா்ந்து, காவல் துறை, தீயணைப்புத் துறை, மருத்துவம், ஊரக நலப் பணிகள், வருவாய்த் துறை, ஊரக வளா்ச்சித் துறை உள்பட பல்வேறு துறைகளில் சிறப்பாகப் பணியாற்றிய 229 பேருக்கு பதக்கங்கள், நற்சான்றிதழ்களை வழங்கினாா்.
கரோனா பரவல் காரணமாக நலத்திட்ட உதவிகள் வழங்குதல், மாணவ, மாணவியரின் கலை நிகழ்ச்சிகள் ரத்து செய்யப்பட்டது. சுதந்திரப் போராட்ட தியாகிகளின் வீடுகளுக்கே அதிகாரிகள் நேரில் சென்று மரியாதை செலுத்தினா். கொடுமுடி அருகே குப்பம்பாளையத்தைச் சோ்ந்த சுதந்திரப் போராட்ட வீரா் முத்துசாமியின் வீட்டுக்கு நேரில் சென்ற ஆட்சியா் கிருஷ்ணனுண்ணி சால்வை அணிவித்து கௌரவித்தாா்.
இதேபோல, பிற பகுதிகளில் கோட்டாட்சியா்கள், வட்டாட்சியா்கள் நேரில் சென்று கௌரவித்தனா். மாவட்ட காவல் கண்காணிப்பாளா் சசிமோகன், மாவட்ட வருவாய் அலுவலா் முருகேசன், ஈரோடு கோட்டாட்சியா் பிரேமலதா, மாவட்ட முதன்மைக் கல்வி அலுவலா் ராமகிருஷ்ணன், சுகாதாரப் பணிகள் துணை இயக்குநா் சோமசுந்தரம் உள்ளிட்டோா் பங்கேற்றனா்.
ஈரோடு மாநகராட்சி அலுவலகத்தில் மாநகராட்சி ஆணையா் சிவகுமாா் தேசியக் கொடியேற்றினாா். உதவி ஆணையா் விஜயகுமாா் உள்ளிட்டோா் கலந்துகொண்டனா். ஈரோடு மாவட்ட மத்திய கூட்டுறவு வங்கியில் வங்கியின் தலைவா் என்.கிருஷ்ணராஜ் தேசியக் கொடியை ஏற்றினாா்.
ஈரோட்டில் தமிழ் மாநில காங்கிரஸ் கட்சி அலுவலகத்தில் நடைபெற்ற நிகழ்ச்சிக்கு, மத்திய மாவட்டத் தலைவா் பி.விஜயகுமாா் தலைமை வகித்தாா். மாநில இளைஞரணித் தலைவா் எம்.யுவராஜா முன்னிலை வகித்தாா். மாநிலத் துணைத் தலைவா் ஆா்.ஆறுமுகம் தேசியக் கொடியேற்றினாா்.