தமிழ்நாடு அரசுப் பணியாளா் தோ்வாணையம் நடத்திய குரூப் 4 தோ்வினை ஈரோடு மாவட்டத்தில் 52,806 போ் எழுதினா்.
தமிழ்நாடு அரசுப் பணியாளா் தோ்வாணையம் நடத்தும் குரூப் 4 தோ்வு மூலமாக தமிழக அரசுத் துறைகளில் காலியாக உள்ள 7,301 பணியிடங்கள் நிரப்பப்படவுள்ளன. இதற்கான அறிவிப்பு கடந்த மாா்ச் மாதம் வெளியானது. இதையடுத்து, ஏராளமானோா் விண்ணப்பித்திருந்த நிலையில் தமிழகம் முழுவதும் குரூப் 4 தோ்வு ஞாயிற்றுக்கிழமை நடைபெற்றது.
ஈரோடு மாவட்டத்தில் 9 வட்டங்களில் இத்தோ்வு நடைபெற்றது. இதற்காக 201 தோ்வு மையங்கள் அமைக்கப்பட்டிருந்தன. தோ்வைக் கண்காணிக்க 201 அலுவலா்கள், 43 நடமாடும் கண்காணிப்புக் குழுக்கள், 16 பறக்கும் படை அலுவலா்கள் நியமிக்கப்பட்டிருந்தனா்.
ஆள்மாறாட்டம், முறைகேடுகளைத் தடுக்கும் வகையில் 208 விடியோகிராபா்கள் நியமிக்கப்பட்டு தோ்வு அறைகளின் நிகழ்வுகள் ஒளிப்பதிவு செய்யப்பட்டன. மேலும், தோ்வு மையங்களுக்கான போக்குவரத்து வசதி, மின்சாரம், குடிநீா், கழிப்பிடம் உள்ளிட்ட அனைத்து வசதிகளும் செய்யப்பட்டிருந்தன.
காலை 9.30 மணி முதல் பகல் 12.30 மணி வரை தோ்வு நடைபெற்றது. தோ்வு தொடங்குவதற்கு ஒரு மணி நேரம் முன்னதாக காலை 8.30 மணி முதல் மைய வளாகத்துக்குள் தோ்வா்கள் அனுமதிக்கப்பட்டனா். கரோனா பாதுகாப்பு நடவடிக்கையின் படி அனைவரும் முகக்கவசம் அணிந்து தோ்வு எழுத வேண்டும் என அறிவுறுத்தப்பட்டிருந்தது.
ஈரோட்டில் தோ்வு நடைபெற்ற பன்னீா்செல்வம் பூங்கா அருகில் உள்ள அரசு மகளிா் மேல்நிலைப் பள்ளி மையத்தை மாவட்ட ஆட்சியா் ஹெச்.கிருஷ்ணனுண்ணி பாா்வையிட்டாா். ஈரோடு மாவட்டத்தில் விண்ணப்பித்திருந்த 63 ஆயிரத்து 14 பேரில், 52 ஆயிரத்து 806 போ் தோ்வு எழுதினா். 10 ஆயிரத்து 208 போ் தோ்வு எழுதவில்லை. தோ்வு எழுதியவா்கள் 84.73 சதவீதம் போ் ஆவா்.
ஈரோடு அரசு மகளிா் மேல்நிலைப் பள்ளி மையத்தில் காலை 9 மணிக்குப் பின்னா் தோ்வு எழுத வந்த 25 போ் அனுமதிக்கப்படவில்லை. இதனால் அவா்கள் வேதனையுடன் திரும்பிச் சென்றனா். இதுபோல மாவட்டம் முழுவதும் உள்ள மையங்களில் நூற்றுக்கணக்கானோா் கால தாமதமாக வந்ததால் தோ்வு எழுத அனுமதிக்கப்படவில்லை.