சொத்துப் பிரச்னை: தந்தையை அடித்துக் கொன்ற மகன் கைது

சொத்துப் பிரச்னையில் தந்தையை அடித்துக் கொன்ற மகனை போலீஸாா் கைது செய்தனா்.

ஈரோடு ,கதிரம்பட்டி வேப்பம்பாளையம் பிரிவு பகுதியைச் சோ்ந்தவா் பழனிசாமி (68). விவசாயி. இவருக்கு ருக்குமணி (65) என்ற மனைவியும், பிரியதா்ஷினி என்ற திருமணமான மகளும், திருமணம் ஆகாத ரவிகுமாா்(37) என்ற மகனும் உள்ளனா். பிரியதா்ஷினி ஈரோடு தொழிலாளா் நலத் துறை அலுவலகத்தில் கணக்கு பிரிவில் பணியாற்றி, அவரது கணவருடன் பெருந்துறை வாய்க்கால்மேடு பகுதியில் வசித்து வருகிறாா்.

ரவிகுமாா் பிஇ படித்து விட்டு தனியாா் வங்கியில் ஊழியராகப் பணியாற்றி கடந்த சில மாதங்களாக வேலைக்கு செல்லாமல் வீட்டில் இருந்து வந்தாா். ரவிகுமாா், அவரது தந்தைக்கு சொந்தமான நஞ்சனாபுரத்தில் உள்ள ஒன்றரை ஏக்கா் நிலத்தினை அவரது பெயருக்கு எழுதி தரும்படி பழனிசாமியிடம் கேட்டு வந்துள்ளாா். ஆனால் பழனிசாமி கண்டுகொள்ளாமல் இருந்துள்ளாா்.

இந்நிலையில் ரவிகுமாா் ஞாயிற்றுக்கிழமை இரவு சுமாா் 10.30 மணியளவில் வீட்டில் இருந்த அவரது தந்தை பழனிசாமியிடம் ஒன்றரை ஏக்கா் நிலத்தை உடனடியாக எழுதி வைக்கும்படி கேட்டுள்ளாா். அதற்கு பழனிசாமி மறுப்பு தெரிவித்துள்ளாா். இதனால் இருவருக்கும் கடுமையான வாக்குவாதம் ஏற்பட்டுள்ளது. இதில் ஆத்திரம் அடைந்த ரவிகுமாா், வீட்டின் வாசலில் கிடந்த கட்டையை எடுத்து பழனிசாமியை தாக்கியுள்ளாா்.

இதில் காயமடைந்த பழனிசாமியை, அவரது மனைவி ருக்குமணி மீட்டு காலையில் மருத்துவமனைக்கு செல்லலாம் என சமாதானப்படுத்தி வீட்டின் வாசலில் படுக்க வைத்துவிட்டு தூங்க சென்றுவிட்டாா்.

ருக்குமணி திங்கள்கிழமை அதிகாலை பழனிசாமியை எழுப்ப முயன்றாா். அப்போது பழனிசாமி இறந்து கிடப்பதை பாா்த்து அதிா்ச்சி அடைந்த ருக்குமணி, அவரது மகள் பிரியதா்ஷினிக்கும், ஈரோடு தாலுகா போலீஸாருக்கும் தகவல் தெரிவித்தாா்.

இதன்பேரில் அங்கு சென்ற போலீஸாா் பழனிசாமியின் சடலத்தைக் கைப்பற்றி பிரேத பரிசோதனைக்காக ஈரோடு அரசு மருத்துவமனைக்கு அனுப்பிவைத்தனா். இந்நிலையில் தப்பி ஓடிய ரவிகுமாரை போலீஸாா் பிடித்து விசாரணை நடத்தினா். இதில் பழனிசாமியை கட்டையால் அடித்துக் கொலை செய்ததை ரவிகுமாா் ஒப்புக்கொண்டாா். இதன்பேரில் ரவிகுமாா் மீது ஈரோடு தாலுகா போலீஸாா் கொலை வழக்குப் பதிவு செய்து கைது செய்து விசாரணை நடத்தி வருகின்றனா்.