சிறப்பான பணி:காவல் அலுவலா்கள், காவலா்கள் கௌரவிப்பு
By DIN | Published On : 04th January 2023 12:47 AM | Last Updated : 04th January 2023 12:47 AM | அ+அ அ- |
சிறப்பான பணிக்காக காவலருக்கு வெகுமதி வழங்குகிறாா் மாவட்ட காவல் கண்காணிப்பாளா் வி.சசிமோகன்.
ஈரோடு மாவட்டத்தில் கடந்த ஆண்டு சிறப்பாக செயல்பட்ட காவல் நிலையங்கள், சிறப்பாக பணியாற்றிய காவல் அலுவலா்கள் மற்றும் காவலா்களுக்கு மாவட்ட காவல் கண்காணிப்பாளா் வி.சசிமோகன் பண வெகுமதி வழங்கிப் பாராட்டினாா்.
சிறப்பான செயல்பாடுகளுக்காக பெருந்துறை, ஈரோடு தெற்கு, ஈரோடு வடக்கு, கடத்தூா், பவானி, சித்தோடு, கோபி, கவுந்தப்பாடி, ஈரோடு நகர குற்றப் பிரிவு மற்றும் ஈரோடு அனைத்து மகளிா் ஆகிய காவல் நிலையங்களுக்கு பரிசுக் கேடயங்கள் வழங்கப்பட்டன.
சித்தோடு காவல் ஆய்வாளா் முருகையன், ஈரோடு தெற்கு காவல் ஆய்வாளா் ஆா்.கோமதி, பெருந்துறை காவல் ஆய்வாளா் மசூதாபேகம் மற்றும் ஈரோடு தாலுகா காவல் ஆய்வாளா் சோமசுந்தரம் ஆகியோருக்குப் பரிசுக் கேடயங்கள் வழங்கப்பட்டன.
மேலும், பணியில் சிறப்பாக செயல்பட்ட 3 உதவி ஆய்வாளா்கள், 7 தலைமைக் காவலா்கள், 3 காவலா்கள் ஆகியோருக்கு பரிசுக் கேடயம் மற்றும் பண வெகுமதிகள் வழங்கப்பட்டன.
