சத்தியமங்கலம் அருகே மலைப் பகுதியில் அரசுப் பேருந்து கவிழ்ந்து விபத்து

சத்தியமங்கலத்தை அடுத்த கோ்மாளம் அருகே மலைப் பகுதியில் அரசுப் பேருந்து கவிழ்ந்து விபத்துக்குள்ளானது.

ஈரோடு மாவட்டம், சத்தியமங்கலத்தை அடுத்த கோ்மாளம் மலைப் பகுதியில் 30-க்கும் மேற்பட்ட மலைக் கிராமங்கள் உள்ளன. இந்த மலைக் கிராமங்களுக்கு சத்தியமங்கலத்தில் இருந்து கடம்பூா் வழியாக கோ்மாளம் செக்போஸ்ட் வரை அரசுப் பேருந்து இயக்கப்படுகிறது.

இந்நிலையில், சத்தியமங்கலத்தில் இருந்து கோ்மாளம் செக்போஸ்ட்டுக்கு 30-க்கும் மேற்பட்ட பயணிகளை ஏற்றிக்கொண்டு அரசுப் பேருந்து வியாழக்கிழமை சென்றுகொண்டிருந்தது.

பூதாளபுரம் அருகே வி.எம்.தொட்டி என்ற இடத்தில் சென்றுகொண்டிருந்தபோது எதிரே வந்த வாகனத்திற்கு வழிவிடுவதற்காக விலகியபோது, ஓட்டுநரின் கட்டுப்பாட்டை இழந்த அரசுப் பேருந்து சாலையோரத்தில் இருந்த பள்ளத்தில் கவிழ்ந்து விபத்துக்குள்ளானது.

இந்த விபத்தில் 3 பயணிகளுக்கு லேசான காயம் ஏற்பட்டது. பேருந்தில் சிக்கிய 30-க்கும் மேற்பட்ட பயணிகளை மலைக் கிராம மக்கள் பாதுகாப்பாக மீட்டனா்.

காயமடைந்த பயணிகளுக்கு கோ்மாளம் அரசு ஆரம்ப சுகாதார நிலையத்தில் முதலுதவி அளிக்கப்பட்டது.

இது குறித்து ஆசனூா் போலீஸாா் விசாரணை நடத்தி வருகின்றனா்.