பா்கூா் மலைப் பாதையில் நெடுஞ்சாலைத் துறை அதிகாரிகள் ஆய்வு

கனமழையால் சேதமடைந்த அந்தியூா் - பா்கூா் மலைப் பாதையில் மேற்கொள்ளப்பட்ட சீரமைப்புப் பணிகளை நெடுஞ்சாலைத் துறை அதிகாரிகள் வெள்ளிக்கிழமை ஆய்வு செய்தனா்.

பா்கூா் மலைப் பகுதியில் கடந்த வாரம் பெய்த கனமழையால் மண் சரிவும், மழைநீா் பெருக்கெடுத்து ஓடியதில் பல இடங்களில் மலைப் பாதையும் சேதமடைந்தது. இதையடுத்து, நெடுஞ்சாலைத் துறை சாா்பில் அந்தியூா் - பா்கூா் - கொள்ளேகால் மலைப் பாதை சீரமைக்கும் பணிகள் மேற்கொள்ளப்பட்டன.

மழையால் சாலையில் ஏற்பட்ட பள்ளங்களில் கான்கிரீட் கலவைகள் கொண்டு நிரப்பப்பட்டன. மேலும், சேதமடைந்த சாலையோர பள்ளங்களில் மணல் மூட்டைகள் அடுக்கியும், மலையிலிருந்து சரிந்த பாறைகள் மற்றும் மண் குவியல்கள் பொக்லைன் இயந்திரம் மற்றும் டிப்பா் வாகனங்களை கொண்டும் அகற்றப்பட்டன. சிறுபாலங்கள் மற்றும் நீா் வழித்தடங்களில் சுத்தப்படுத்தும் பணிகளும் மேற்கொள்ளப்பட்டன.

பொதுமக்களின் தடையற்ற போக்குவரத்துக்கு உரிய நடவடிக்கைகளை நெடுஞ்சாலைத் துறையினா் துரிதமாக செய்து வருகின்றனா். இப்பணிகளை, நெடுஞ்சாலைத் துறை திருப்பூா் கண்காணிப்புப் பொறியாளா் சரவணன் ஆய்வு செய்தாா். உடன், ஈரோடு கோட்டப் பொறியாளா் ரமேஷ்கண்ணா, பவானி உதவி கோட்டப் பொறியாளா் ராஜேஷ்கண்ணா, உதவிப் பொறியாளா் பாபு சரவணன் மற்றும் நெடுஞ்சாலைத் துறை அதிகாரிகள் உடனிருந்தனா்.