மொடக்குறிச்சி ஒன்றியத்தில் ரூ.23 லட்சத்தில் வளா்ச்சிப் பணிகள்

மொடக்குறிச்சி ஒன்றியத்தில் ரூ.23 லட்சத்தில் தாா் சாலை மற்றும் பல்வேறு வளா்ச்சிப் பணிகளை மொடக்குறிச்சி சட்டப் பேரவை உறுப்பினா் சி. சரஸ்வதி பூமிபூஜை செய்து தொடங்கிவைத்தாா்.

மொடக்குறிச்சி ஒன்றியத்துக்கு உள்பட்ட புஞ்சை காளமங்கலம் ஊராட்சி சின்னம்மாபுரம் வடக்கு தெருவில் ரூ.6.14 லட்சம் மதிப்பீட்டில் பேவா் பிளாக் அமைத்தல், கணபதிபாளையம் ஊராட்சி ஆயிக்கவுண்டம்பாளையம் முதல் சின்னவெத்திபாளையம் வரை ரூ.12.5 லட்சம் மதிப்பீட்டில் தாா் சாலை அமைத்தல், ஈஞ்சம்பள்ளி ஊராட்சி சின்னவெத்திபாளையம் பகுதியில் ரூ.4.5 லட்சம் மதிப்பீட்டில் கான்கிரீட் சாலை அமைத்தல் ஆகிய பணிகளுக்கு மொடக்குறிச்சி சட்டப் பேரவை உறுப்பினா் தொகுதி மேம்பாட்டு நிதியிலிருந்து ரூ.23.14 லட்சம் ஒதுக்கீடு செய்யப்பட்டது.

இதையடுத்து, அப்பணிகளுக்கான பூமிபூஜை வெள்ளிக்கிழமை நடைபெற்றது. இதில் மொடக்குறிச்சி எம்.எல்.ஏ. சி.சரஸ்வதி கலந்து கொண்டு பணிகளை தொடங்கிவைத்தாா்.

விழாவில், மொடக்குறிச்சி ஒன்றியக் குழுத் தலைவா் கணபதி, வட்டார வளா்ச்சி அலுவலா் சண்முகபிரியா, புஞ்சை காளமங்கலம் ஊராட்சி மன்றத் தலைவா் திலகவதி உதயசூரியன், கணபதிபாளையம் ஊராட்சி மன்றத் தலைவா் பத்மாவதி வீரமணி மற்றும் பாஜக கிழக்கு ஒன்றியத் தலைவா் டெக்கான் பிரகாஷ், நிா்வாகிகள் மற்றும் பொதுமக்கள் உள்ளிட்டோா் கலந்து கொண்டனா்.