மதுபோதையில் கட்டடத் தொழிலாளியை துப்பாக்கியால் சுட்டவா் கைது

அம்மாபேட்டையில் மதுபோதையில் ஏற்பட்ட தகராறில் ஏா்கன் துப்பாக்கியால் கட்டடத் தொழிலாளியைச் சுட்ட மற்றொரு தொழிலாளியைப் போலீஸாா் திங்கள்கிழமை கைது செய்தனா்.

ஈரோடு, வீரப்பன்சத்திரம், கம்பா் வீதியைச் சோ்ந்தவா் குப்புசாமி மகன் செந்தில்குமாா் (47). அதே பகுதியைச் சோ்ந்தவா் காா்த்தி (35). கட்டடத் தொழிலாளா்களான இவா்கள் இருவரும், பவானி அருகேயுள்ள அம்மாபேட்டை பழைய மாரியம்மன் கோயில் தெருவில் தனித்தனியே வசித்து வருகின்றனா். இவா்களுக்குள் வேலைக்குச் செல்வது தொடா்பாக முன் விரோதம் இருந்துள்ளது.

இந்நிலையில், தனது வீட்டின் முன்பாக செந்தில்குமாா், அதே பகுதியைச் சோ்ந்த விஜயகுமாரிடம் ஞாயிற்றுக்கிழமை இரவு பேசிக் கொண்டிருந்தாா். அப்போது, மதுபோதையில் வந்த காா்த்தி, செந்தில்குமாரிடம் தகராறு செய்ததோடு, மறைத்து வைத்திருந்த ஏா்கன் துப்பாக்கியால் சுட்டதோடு, கொலை செய்துவிடுவதாக மிரட்டியுள்ளாா். இதில், செந்தில்குமாா் தொடையில் ரத்தக்காயம் ஏற்பட்டது. இதையடுத்து, அவா் ஈரோடு அரசு மருத்துவமனையில் சோ்க்கப்பட்டாா்.

இதுகுறித்த புகாரின் பேரில் வழக்குப் பதிவு செய்த அம்மாபேட்டை போலீஸாா், காா்த்தியை கைது செய்ததோடு, ஏா்கன் துப்பாக்கியையும் பறிமுதல் செய்தனா்.