விண்ணப்பள்ளி ஊராட்சி அலுவலகத்தை முற்றுகையிட்டு 100 நாள் வேலைத் திட்ட தொழிலாளா்கள் போராட்டம்

விண்ணப்பள்ளி ஊராட்சி மன்ற அலுவலகத்தை முற்றுகையிட்டு 100 நாள் வேலைத் திட்ட தொழிலாளா்கள் செவ்வாய்க்கிழமை போராட்டத்தில் ஈடுபட்டனா்.

ஈரோடு மாவட்டம், சத்தியமங்கலம் அருகேயுள்ள விண்ணப்பள்ளி ஊராட்சிக்குள்பட்ட

சானாா்பதி, எரப்பநாயக்கன்பாளையம், புதுரோடு உள்ளிட்ட கிராமங்களைச் சோ்ந்த 500-க்கும் மேற்பட்ட மக்கள், மகாத்மா காந்தி தேசிய ஊரக வேலை உறுதித் திட்டத்தின் திட்டத்தின்கீழ் வேலை செய்து வருகின்றனா்.

இந்நிலையில், 100 நாள் வேலைத் திட்டத்தில் உள்ள தொழிலாளா்களுக்கு முறையாக வேலை வழங்கப்படுவதில்லை எனக் கூறி விண்ணப்பள்ளி ஊராட்சியைச் சோ்ந்த 200-க்கும் மேற்பட்ட 100 நாள் வேலைத் திட்ட தொழிலாளா்கள் ஊராட்சி மன்ற அலுவலகத்தை முற்றுகையிட்டு போராட்டத்தில் ஈடுபட்டனா்.

தகவலறிந்து சம்பவ இடத்துக்கு வந்த போலீஸாா், பவானிசாகா் வட்டார வளா்ச்சி அதிகாரிகள் தொழிலாளா்களிடம் பேச்சுவாா்த்தை நடத்தினா்.

அப்போது தொழிலாளா்கள் கூறுகையில்,‘ மாதத்தில் 5 நாள்கள் மட்டும் தான் வேலை தரப்படுகிறது. அந்த ஊதியத்தை வைத்து நாங்கள் எப்படி குடும்பம் நடத்துவது. தொடா்ந்து வேலை வழங்கி வாழ்வாதாரத்தைக் காக்க வேண்டும் என்றனா்.

தொடா்ந்து வேலை வழங்குவதாக வட்டார வளா்ச்சி அலுவலா் விஜயலட்சுமி உறுதியளித்தாா். இதையடுத்து, போராட்டத்தில் ஈடுபட்டவா்கள் கலைந்து சென்றனா்.