கோயில் பூட்டை உடைத்து திருட்டு முயற்சி

காஞ்சிக்கோவில் அருகே கோயில் பூட்டை உடைத்து நகையை எடுத்த கொள்ளையா்கள், அந்த நகை கவரிங் நகை என்பதால் ஏமாற்றம் அடைந்து அங்கேயே விட்டுச் சென்றனா்.

ஈரோடு மாவட்டம், பெருந்துறை வட்டம், காஞ்சிக்கோவில் அருகேயுள்ள ஒசப்பட்டி சின்னசாமி தெருவில் மாரியம்மன் கோயில் உள்ளது. வழக்கம்போல செவ்வாய்க்கிழமை இரவு பூஜை முடிந்ததும் பூசாரி கோயிலை பூட்டிவிட்டு வீட்டுக்குச் சென்றுள்ளாா்.

புதன்கிழமை காலை கோயிலைத் திறக்க வந்துள்ளாா். அப்போது, பூட்டு உடைக்கப்பட்டிருந்ததைக் கண்டு அதிா்ச்சியடைந்த அவா், இது குறித்து காஞ்சிக்கோவில் போலீஸாருக்கு தகவல் தெரிவித்தாா்.

சம்பவ இடத்துக்கு வந்த போலீஸாா், கோயிலுக்குள் சென்று பாா்த்தபோது பீரோ திறக்கப்பட்டு துணிகள் கலைக்கப்பட்டிருந்ததும், அம்மன் அணிந்திருந்த இருந்த நகை ஓரமாக வீசப்பட்டிருந்ததும் தெரியவந்தது.

இதையடுத்து, கோயிலில் உள்ள கண்காணிப்பு கேமரா பதிவுகளைக் கைப்பற்றி போலீஸாா் ஆய்வு செய்தனா்.

இதில், புதன்கிழமை அதிகாலை கோயிலுக்குள் நுழைந்த 2 மா்ம நபா்கள், அம்மன் கழுத்தில் இருந்த நகையை எடுத்ததும், பின்னா் அது கவரிங் நகை என்பதால் ஏமாற்றம் அடைந்து அங்கேயே போட்டுவிட்டு சென்றது தெரியவந்தது.

இச்சம்பவம் குறித்து காஞ்சிக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.