பெருந்துறையில் ரூ.5.08 கோடிக்கு கொப்பரை ஏலம்

பெருந்துறை வேளாண்மைப் பொருள்கள் உற்பத்தியாளா்கள் கூட்டுறவு விற்பனை சங்கத்தில் ரூ.5 கோடியே 8 லட்சத்துக்கு கொப்பரை ஏலம் புதன்கிழமை நடைபெற்றது.

பெருந்துறை சுற்று வட்டாரப் பகுதிகளைச் சோ்ந்த விவசாயிகள் 5,136 மூட்டைகளில், 2 லட்சத்து 35 ஆயிரம் கிலோ கொப்பரையை விற்பனைக்கு கொண்டு வந்திருந்தனா்.

இதில், முதல் தரக் கொப்பரை குறைந்தபட்சமாக கிலோ ரூ. 218.99-க்கும், அதிகபட்சமாக ரூ.228.25-க்கும் விற்பனையானது. இரண்டாம் தரக் கொப்பரை குறைந்தபட்சமாக ரூ.35.89-க்கும், அதிகபட்சமாக ரூ.223.50-க்கும் விற்பனையானது. மொத்தம் ரூ.5 கோடியே 8 லட்சத்துக்கு கொப்பரை வா்த்தகம் நடைபெற்றது.