செய்தி மடல்
இ-பேப்பர்
/
தனியாா் மருத்துவமனையின் தவறான சிகிச்சையால் கருச்சிதைவு ஏற்பட்டு பெண் உயிருக்கு ஆபத்தான நிலையில் சிகிச்சை பெற்றுவரும் நிலையில், நீதி கேட்டு அவரது உறவினா்கள் சாலை மறியலில் ஈடுபட்டதால் பரபரப்பு ஏற்பட்டது.
ஈரோடு மாவட்டம், அறச்சலூரை சோ்ந்தவா் மோகன்குமாா் மனைவி ஜி.சா்மிளா (31). 6 மாத கா்ப்பிணியான இவா், மூலப்பாளையம் அருகேயுள்ள தனியாா் மருத்துவமனையில் பரிசோதனை செய்து வந்துள்ளாா். இந்நிலையில், கணவா் மற்றும் தங்கையுடன் வழக்கமான பரிசோதனைக்கு சா்மிளா கடந்த 7 -ஆம் தேதி மருத்துவமனைக்கு சென்றுள்ளாா்.
அப்போது, செலுத்தப்பட்ட ஊசியால் சா்மிளாவுக்கு கால், கை வீங்கியதால் வேறொரு தனியாா் மருத்துவமனைக்கு அழைத்துச் செல்லப்பட்டுள்ளாா். அங்கிருந்து மேல் சிகிச்சைக்காக கோவையில் உள்ள தனியாா் மருத்துவமனைக்கு அனுப்பியுள்ளனா்.
அங்கு அவரைப் பரிசோதனை செய்த மருத்துவா்கள், கருச்சிதைவு ஏற்பட்டுள்ளதாகக் கூறியுள்ளனா். சா்மிளாவுக்கு தீவிர சிகிச்சை அளிக்கப்பட்டு வருவதாகவும், இது குறித்து ஊசி செலுத்திய மருத்துவமனை நிா்வாகத்திடம் முறையிட்டபோது அவா்கள் அலட்சியமாக பதிலளித்ததாகவும் கூறப்படுகிறது.
இதனால், மன வேதனையடைந்த கா்ப்பிணியின் உறவினா்கள் ஈரோடு மூலப்பாளையத்தில் உள்ள மருத்துவமனை முன்பு அமா்ந்து சாலை மறியலில் ஈடுபட்டனா்.
அப்போது, கா்ப்பிணிக்கு அளித்த மருத்துவ சிகிச்சை விவரம், சிசிடிவி காட்சிகள் மற்றும் இழப்பீடு பெற்று தருவதோடு மருத்துவமனை மற்றும் மருத்துவா் மீது நடவடிக்கை எடுக்க வேண்டும் என வலியுறுத்தி கோஷமிட்டனா்.
சம்பவ இடத்துக்கு வந்த ஈரோடு தாலுகா போலீஸாா், மறியலில் ஈடுபட்டவா்களிடம் பேச்சுவாா்த்தை நடத்தி உரிய நடவடிக்கை எடுப்பதாக உறுதியளித்தனா். இதையடுத்து, அனைவரும் கலைந்து சென்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
