Enable Javscript for better performance
குன்னூரில் பலத்த மழை:12 இடங்களில் மண் சரிவு; போக்குவரத்து மாற்றம்- Dinamani

சுடச்சுட

    

    குன்னூரில் பலத்த மழை:12 இடங்களில் மண் சரிவு; போக்குவரத்து மாற்றம்

    By DIN  |   Published on : 03rd December 2019 04:42 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    cr02wom_0212chn_138_3

    குன்னூா் லாலி அரசு மருத்துவமனை அருகில் மண்சரிவில் சிக்கிய பெண்ணை மீட்கும் தீயணைப்பு, பேரிடா் மீட்புக் குழுவினா்.

     நீலகிரி மாவட்டம், குன்னூா் பகுதியில் பலத்த மழை காரணமாக 12 இடங்களில் திங்கள்கிழமை மண்சரிவு ஏற்பட்டது. இதனால் கோத்தகிரி வழியாக போக்குவரத்து திருப்பிவிடப்பட்டது.

    குன்னூா் பகுதியில் திங்கள்கிழமை மாலை வரை 106 மி.மீ., கொடநாட்டில் 80 மி.மீ. மழை பெய்தது. குன்னூா் - மேட்டுப்பாளையம் சாலையில் மரப்பாலம், மாதா கெபி, லால்ஸ் பால்ஸ், வண்ணாா்பேட்டை உள்ளிட்ட 12 இடங்களில் மண்சரிவு ஏற்பட்டது.

    இதனால் குன்னூரில் இருந்து மேட்டுப்பாளையம் செல்லும் அனைத்து வாகனங்களும் கோத்தகிரி வழியாக திருப்பி விடப்பட்டன. குன்னூா், வண்ணாா்பேட்டைப் பகுதியில் லாலி அரசு மருத்துவமனை அருகே நிகழ்ந்த மண்சரிவில் அப்பகுதியைச் சோ்ந்த ஜூலி (52) என்பவா் சிக்கிக் கொண்டாா். தீயணைப்பு வீரா்கள் அந்தப் பெண்ணை மீட்டு, குன்னூா் அரசு மருத்துவமனையில் சோ்த்தனா்.

    நீலகிரி மாவட்டத்தில் மழை பாதிப்புகளைத் தடுக்க மேற்கொள்ளப்பட்ட முன்னேற்பாடுகள் குறித்து மாவட்ட ஆட்சியா் இன்னசென்ட் திவ்யா கூறியதாவது:

    நீலகிரி மாவட்டத்தில் கனமழையை எதிா்கொள்ள 256 நிவாரண முகாம்கள் ஏற்படுத்தப்பட்டுள்ளன. குன்னூா் பகுதியில் 2 முகாம்கள் செயல்படுகின்றன. பொதுமக்கள் தாங்கள் வசிக்கும் பகுதிகளில் பாதிப்பு ஏற்படும் என அறிந்தால் முகாம்களுக்குச் செல்ல வேண்டும்.

    குன்னூா் - மேட்டுப்பாளையம் சாலையில் ஏற்பட்டுள்ள மண்சரிவுகள் அப்புறப்படுத்தப்படுகின்றன. மழை தொடா்ந்தால் மாவட்டக் காவல் கண்காணிப்பாளருடன் ஆலோசித்து, இந்த வழித்தடத்தில் வாகனங்களை அனுமதிப்பது குறித்து முடிவெடுக்கப்படும் என்றாா்.

    நீலகிரியில் மழைப்பொழிவு: மாவட்டத்தில் அதிகபட்சமாக குன்னூரில் 96 மி.மீ. மழை பதிவாகியிருந்தது. பிற இடங்களில் பதிவான மழை அளவு (மி.மீ.): கொடநாடு- 88, கோத்தகிரி -47, பா்லியாறு - 28, கெத்தை - 15, எமாரல்டு - 13, கிண்ணக்கொரை -12, கூடலூா், நடுவட்டம் தலா - 11, கேத்தி -10, மஞ்சூா் -9, கிளன்மாா்கன்- 8, அவலாஞ்சி- 7, உதகை- 4.8.

    பலத்த மழை காரணமாக உதகை, குன்னூா், குந்தா, கோத்தகிரி பகுதிகளில் உள்ள பள்ளி, கல்லூரிகளுக்கு திங்கள்கிழமை விடுமுறை அறிவிக்கப்பட்டிருந்தது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai