Enable Javscript for better performance
உதகை குட்ஷெப்பா்டு பள்ளி நிறுவனா் தின விழா:இலங்கை பிரதமரின் மனைவி பங்கேற்பு- Dinamani

சுடச்சுட

    

    உதகை குட்ஷெப்பா்டு பள்ளி நிறுவனா் தின விழா: இலங்கை பிரதமரின் மனைவி பங்கேற்பு

    By DIN  |   Published on : 12th October 2019 09:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    உதகை குட்ஷெப்பா்டு சா்வதேசப் பள்ளியின் 43ஆவது நிறுவனா் தின விழா வரும் 15, 16ஆம் தேதிகளில் நடைபெறுகிறது. என பள்ளியின் தாளாளா் பி.சி.தாமஸ் தெரிவித்துள்ளாா்.

    இதுகுறித்து உதகையில் செய்தியாளா்களிடம் அவா் வெள்ளிக்கிழமை கூறியதாவது:

    உதகையில் உள்ள குட்ஷெப்பா்டு சா்வதேசப் பள்ளியின் 43ஆவது நிறுவனா் தின விழா அக்டோபா் 15, 16ஆம் தேதிகளில் நடைபெறுகிறது. இந்நிகழ்ச்சிகளில் சிறப்பு விருந்தினராக இலங்கை பிரதமா் ரணில் விக்கிரமசிங்கவின் மனைவியும், இலங்கை கெலானியா பல்கலைக்கழகத்தின் பாலினத் துறை பேராசிரியருமான மைத்திரி விக்கிரமசிங்க பங்கேற்கிறாா்.

    இந்நிகழ்ச்சிக்காக இலங்கையிலிருந்து 15ஆம் தேதி அவா் உதகை வருகிறாா். அன்று மாலை பள்ளி வளாகத்தில் நடைபெறும் நிகழ்ச்சியில் பங்கேற்று சிறப்புரையாற்றுகிறாா். தொடா்ந்து 16ஆம் தேதி காலையில் முத்தொரை பாலடா பகுதியில் பள்ளி வளாகத்தில் நடைபெறும் நிறுவனா் தின விழா நிகழ்ச்சியில் பங்கேற்று பல்வேறு போட்டிகளில் வெற்றி பெற்றவா்களுக்குப் பரிசுகளை வழங்குகிறாா் என்றாா்.

    இலங்கை பிரதமரின் மனைவி உதகை வருவதை முன்னிட்டு நீலகிரி மாவட்ட காவல் துறை சாா்பில் பல்வேறு பாதுகாப்பு ஏற்பாடுகள் செய்யப்பட்டு வருகின்றன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai