Enable Javscript for better performance
கொடநாடு எஸ்டேட் கொலை, கொள்ளை சம்பவம்: 2 முக்கிய சாட்சிகளிடம் விசாரணை- Dinamani

சுடச்சுட

    

    கொடநாடு எஸ்டேட் கொலை, கொள்ளை சம்பவம்: 2 முக்கிய சாட்சிகளிடம் விசாரணை

    By DIN  |   Published on : 10th February 2020 10:49 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kodanaduestate

    கொடநாடு எஸ்டேட்டில் நடைபெற்ற கொலை, கொள்ளை சம்பவங்கள் தொடா்பான வழக்கில் 2 முக்கிய சாட்சிகளிடம் திங்கள்கிழமை விசாரணை நடைபெற்றது. இதையடுத்து இந்த வழக்கின் விசாரணை பிப்ரவரி 20 ஆம்தேதிக்கு ஒத்திவைக்கப்பட்டுள்ளது.

    கொடநாடு எஸ்டேட் கொலை, கொள்ளை சம்பவங்கள் தொடா்பான வழக்கு உதகையிலுள்ள மாவட்ட நீதிமன்றத்தில் நடைபெற்று வருகிறது. மாவட்ட நீதிபதி வடமலை முன்னிலையில் திங்கள்கிழமை நடைபெற்ற இந்த விசாரணையில், குற்றம் சாட்டப்பட்டுள்ள சயன், மனோஜ், தீபு, ஜம்ஷீா் அலி, சதீஷன், பிஜின் குட்டி, உதயகுமாா், சந்தோஷ்சாமி, மனோஜ் சாமி, ஜித்தின் ஜாய் ஆகிய 10 பேரில் ஜம்ஷீா் அலியைத் தவிர ஏனைய 9 பேரும் ஆஜராகினா்.

    ஜம்ஷீா்அலி கேரள மாநிலத்தில் விபத்தில் சிக்கி காயமுற்ால் அவரால் நீதிமன்றத்தில் நேரில் ஆஜராக முடியவில்லை என தெரிவிக்கப்பட்டது.

    வழக்கில் ஏற்கனவே இரண்டாவது மற்றும் மூன்றாவது சாட்சிகளான பஞ்சம் விஸ்வகா்மா, சுனில் தாபா ஆகியோரிடம் அரசு வழக்குரைஞா் நந்தகுமாா் விசாரணை நடத்தியிருந்தாா்.

    இதையடுத்து வழக்கின் முக்கிய மற்றும் முதல் சாட்சியான கிருஷ்ண தாபாவிடம் அரசு வழக்குரைஞா் நந்தகுமாா் தனது விசாரணையை தொடங்கினாா். திங்கள்கிழமை காலையில் சுமாா் 2 மணி நேரமும், பிற்பகலில் சுமாா் 2 மணி நேரமும் கிருஷ்ண தாபா வாக்குமூலம் அளித்ததோடு, அரசு வழக்குரைஞா் நந்தகுமாா் கேட்ட கேள்விகளுக்கும் பதிலளித்தாா். நந்தகுமாா் தமிழில் கேட்ட கேள்விகளை பள்ளி ஆசிரியரான அப்துல் ரஹீம் ஹிந்தியில் மொழிபெயா்த்து கிருஷ்ண தாபாவிடம் சொல்ல ஹிந்தியில் அவா் கூறிய பதில்களை தமிழில் அப்துல் ரஹீம் மொழி பெயா்த்தாா். இந்தப் பதில்களை நீதிபதி வடமலை பதிவு செய்து கொண்டாா். இதையடுத்து வழக்கின் நான்காவது சாட்சியான கொடநாடு எஸ்டேட்டின் ஓட்டுநா் யோகநாதனிடம் அரசு தரப்பில் சுமாா் ஒன்றரை மணி நேரம் விசாரணை நடைபெற்றது. இதையடுத்து வழக்கின் அடுத்தகட்ட விசாரணை பிப்ரவரி 20ஆம் தேதிக்கு ஒத்தி வைக்கப்பட்டது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai