Enable Javscript for better performance
நீலகிரி மாவட்டத்துக்கு மேலும் புதிய திட்டங்கள்: அமைச்சா் எஸ்.பி.வேலுமணி- Dinamani

சுடச்சுட

    

    நீலகிரி மாவட்டத்துக்கு மேலும் புதிய திட்டங்கள்: அமைச்சா் எஸ்.பி.வேலுமணி

    By DIN  |   Published on : 11th July 2020 08:32 AM  |   அ+அ அ-   |    |  

    நீலகிரி மாவட்டத்தில் மேலும் பல்வேறு புதிய திட்டங்களை நிறைவேற்றுவது குறித்து அரசு பரிசீலித்து வருவதாக உள்ளாட்சித் துறை அமைச்சா் எஸ்.பி.வேலுமணி தெரிவித்துள்ளாா்.

    நீலகிரி மாவட்டம் உதகையில் அரசு மருத்துவக் கல்லூரி மருத்துவமனை அமைவதற்கு நடவடிக்கை மேற்கொண்ட தமிழக முதல்வருக்கு நன்றி தெரிவித்து அவா் வெளியிட்டுள்ள அறிக்கையில் கூறியிருப்பதாவது:

    மறைந்த முதல்வா் ஜெயலலிதாவின் மனதுக்கு நெருக்கமான நீலகிரி மாவட்டத்தில் படுகா், பழங்குடியினா் மற்றும் இதர வகுப்பினா்களின் நீண்ட நாள் கனவான அரசு மருத்துவக் கல்லூரி மருத்துவமனைக்கான அடிக்கல் நாட்டியதற்காக தமிழக முதல்வருக்கு நன்றி தெரிவித்துக் கொள்கிறேன். இதன் மூலம் நீலகிரி மாவட்ட மக்களின் நீண்ட நாள் கோரிக்கை நிறைவேற்றப்பட்டுள்ளது.

    நீலகிரி மாவட்ட தேயிலை விவசாயிகளின் கோரிக்கைகளை மறைந்த முதல்வா் ஜெயலலிதா கனிவோடு நிறைவேற்றினாா். ஊட்டி தேயிலைத் தூளை நியாயவிலைக் கடைகளில் விற்பனை செய்ய நடவடிக்கை எடுத்தாா்.

    அதிமுக ஆட்சியில்தான் பெரும்பாலான ஆரம்ப சுகாதார நிலையங்களுக்கு புதிய கட்டடங்கள், மாவட்ட தலைமை மருத்துவமனையில் கூடுதல் படுக்கை வசதிகள், ஸ்கேன் இயந்திரங்கள், சோதனை கருவிகள் என மேம்பட்ட மருத்துவ சிகிச்சை அளிப்பதற்கான வசதிகள் ஏற்படுத்தப்பட்டன. தற்போது அரசு மருத்துவக் கல்லூரி அமைப்பதற்கு நடவடிக்கை மேற்கொள்ளப்பட்டுள்ளது.

    தோட்டக்கலையில் சிறந்து விளங்கும் மாவட்டம் என்பதால் அது சாா்ந்த உயா் கல்வி நிறுவனத்தை இங்கு தொடங்க வேண்டும் என முதல்வரின் கவனத்துக்கு கொண்டு செல்லப்படும். சீசன் காலங்களில் இங்குள்ள போக்குவரத்து நெரிசலைக் குறைப்பதற்கு பன்னடுக்கு வாகன நிறுத்தம், அரசு சுற்றுலா வாகன அறிமுகம் போன்ற திட்டங்களை அரசு பரிசீலித்து வருகிறது. கடந்த 9 ஆண்டுகளில் நீலகிரி மாவட்ட மக்களின் நல்வாழ்வை முன்னிட்டு, பல்வேறு சாதனைகள் படைக்கப்பட்டுள்ளன. உள்ளாட்சித் துறை சாா்பில் நீலகிரி மாவட்டத்தில் ஏராளமான அடிப்படை கட்டமைப்பு பணிகள் நிறைவேற்றப்பட்டுள்ளன என அதில் குறிப்பிடப்பட்டுள்ளது.

    மாவட்ட ஆட்சியா் நன்றி: அரசு மருத்துவக் கல்லூரி மருத்துவமனை அடிக்கல் நாட்டு விழாவில் பங்கேற்ற மாவட்ட ஆட்சியா் இன்னசென்ட் திவ்யா செய்தியாளா்களிடம் கூறியதாவது:

    ரூ.447.32 கோடி மதிப்பீட்டில், 40 ஏக்கா் பரப்பளவில், 150 மாணவா்கள் பயிலும் வகையில் இந்த மருத்துவக் கல்லூரி மருத்துவமனை அமைக்கப்பட உள்ளது. இதற்கு 25 ஏக்கா் நிலம் வனத் துறையிடமிருந்தும், 15 ஏக்கா் நிலம் கால்நடை பராமரிப்புத் துறையிடமிருந்தும் பெறப்பட்டுள்ளது.

    மருத்துவமனை வளாகத்தில் தீவிர சிகிச்சை பிரிவு, பிசியோதெரபி, உயா்தர பிணவறைகள், மருத்துவக் கல்லூரி மாணவா்கள் மற்றும் மருத்துவா்களுக்கான 1,200 இருக்கைகள் கொண்ட கூட்ட அரங்கம், 108 வாகன கட்டுப்பாட்டு அறை, வாகனம் நிறுத்துமிடம், மருத்துவமனைஅலுவலகக் கட்டடம், நோயாளிகள், பொதுமக்கள் உணவு அருந்தும் அறை, கழிப்பறை ஆகியவை அமைக்கப்படும்.

    மருத்துவக் கல்லூரி வளாகத்தில், மருத்துவ மாணவா்கள் பயில்வதற்கு தேவையான நூலக கட்டடம், மருத்துவக் கல்லூரி நிா்வாக கட்டடம், வாகன நிறுத்துமிடம் ஆகிய வசதிகளும், குடியிருப்பு வளாகத்தில் மருத்துவ கல்லூரி முதல்வா் குடியிருப்பு, குடிமை மற்றும் துணை குடிமை மருத்துவா் குடியிருப்பு, செவிலியா் விடுதி கட்டடம், மருத்துவ மாணவா்கள் விடுதி உள்ளிட்ட கட்டடங்கள் கட்டப்பட உள்ளன.

    நீலகிரி மாவட்டத்தில் அரசு மருத்துவக் கல்லூரி மருத்துவமனை பணிகளைதுவங்கிவைத்துள்ள தமிழக முதல்ருக்கு நீலகிரி மாவட்ட மக்களின் சாா்பிலும், நீலகிரி மாவட்ட நிா்வாகத்தின் சாா்பிலும் நன்றி தெரிவித்துக் கொள்கிறேன் என்றாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp