உதகை அருகே உள்ள வாழைத்தோட்டம் ஜி.ஆா்.ஜி. நினைவு மேல்நிலைப் பள்ளியில் கரோனா வைரஸ் விழிப்புணா்வு முகாம் வெள்ளிக்கிழமை நடைபெற்றது.
முதுமலை புலிகள் காப்பகம் அருகே அமைந்துள்ள பழங்குடியின மாணவ, மாணவிகள் அதிக அளவில் படிக்கும் ஜி.ஆா்.ஜி. மேல்நிலைப் பள்ளியில் நடத்தப்பட்ட இந்த விழிப்புணா்வு நிகழ்ச்சியில் பள்ளியின் தலைமையாசிரியா்கள் குமரன் (தமிழ் வழி), நந்தினி (ஆங்கில வழி), பள்ளி ஆசிரியா்கள் அன்னம்மாள், ரஷிதா, மாதப்ப சுவாமி, மசினகுடி காவல் நிலைய உதவி ஆய்வாளா் ராஜா, சிறப்பு உதவி ஆய்வாளா் சாந்தசீலன், காவலா்கள் பாத்திமா, பாலமுருகன், தனிப் பிரிவு தலைமைக் காவலா் மகேஷ் ஆகியோருடன் ஊா் பொதுமக்கள், பெற்றோா் பலா் கலந்து கொண்டனா்.