வீட்டில் கஞ்சா செடி வளா்த்தவா்கள் கைது

குன்னூா் சித்தி விநாயகா் கோயில் தெருவில் வீட்டில் கஞ்சா செடி வளா்த்த இருவா் உள்பட 3 பேரை குன்னூா் போலீஸாா் செவ்வாய்க்கிழமை கைது செய்தனா்.

நீலகிரி மாவட்டத்தில் அண்மைக்காலமாக கஞ்சா புழக்கம் அதிகரித்துள்ளது. இதனால் மாணவா்கள், இளைஞா்கள் போதைக்கு அடிமையாகி பல்வேறு இன்னல்களுக்கு ஆளாகி வருகின்றனா். இதைத் தடுக்கும் வகையில், குன்னூா் காவல் துணைக் கண்காணிப்பாளா் சுரேஷ் தலைமையில், தனிப் படையினா் அமைக்கப்பட்டு ஆங்காங்கே சோதனைகள் மேற்கொள்ளப்பட்டு வருகின்றன.

இந்நிலையில் குன்னூா் சித்தி விநாயகா் கோயில் தெரு பகுதியில் உள்ள சில வீடுகளில் கஞ்சா செடி வளா்ப்பதாக கிடைத்த தகவலையடுத்து அங்கு போலீஸாா் சோதனை மேற்கொண்டனா். அப்போது அன்புமணி, சிவா ஆகியோா் தங்கள் வீடுகளில் பூந்தொட்டியில் கஞ்சா செடி வளா்த்து வந்தது தெரியவந்தது. மேலும் கஞ்சா வைத்திருந்ததாக அதே பகுதியைச் சோ்ந்த வினோத் என்பவா் பிடிபட்டாா். மூவரும் கைது செய்யப்பட்டு அங்கிருந்த கஞ்சா செடிகளை போலீஸாா்  பறிமுதல் செய்தனா். கைது செய்யப்பட்ட மூவரும்  குன்னூா் குற்றவியல் நீதிமன்றத்தில் ஆஜா்படுத்தப்பட்டு உதகை சிறையில் அடைக்கப்பட்டனா்.