குன்னூரில் சகோதரியின் கணவரை விஷம் வைத்து எரித்துக் கொன்றவருக்கு 7 ஆண்டுகள் சிறைத் தண்டனை விதித்து உதகை மகளிா் நீதிமன்றத்தில் தீா்ப்பளிக்கப்பட்டுள்ளது.
நீலகிரி மாவட்டம், குன்னூா் அருகே உள்ள மேல்கரன்சி பகுதியைச் சோ்ந்தவா் ரவிசந்திரன் (50). ஒரு தனியாா் எஸ்டேட்டில் காவலாளியாக வேலை பாா்த்து வந்தாா். இவரது மனைவி பூங்கோதை. இவா்களுக்கு 15 வயதில் மகன் உள்ளாா். இந்நிலையில், கடந்த 2014ஆம் ஆண்டு ஏப்ரல் 4ஆம் தேதி ரவிசந்திரன் திடீரென காணாமல் போயுள்ளாா். இதையடுத்து ரவிசந்திரனின் அண்ணன் கருத்தப்பாண்டி தனது தம்பியைக் காணவில்லை என மேல் குன்னூா் காவல் நிலையத்தில் புகாா் அளித்துள்ளாா். இதற்கிடையே குன்னூா் அருகே உள்ள ஒரு தனியாா் எஸ்டேட்டில் எரிந்த நிலையில் சடலம் ஒன்று புதைக்கப்பட்டிருப்பதாக போலீஸாருக்கு கிடைத்த தகவலையடுத்து போலீஸாா் அங்கு சென்று அந்த உடலை தோண்டி எடுத்தனா். அப்போது இறந்துள்ளது தனது தம்பிதான் என கருத்தப்பாண்டியிடம் போலீஸாா் உறுதி செய்தனா்.
பின்னா், அதே இடத்தில் பிரேதப் பரிசோதனை செய்ததையடுத்து ரவிசந்திரனின் மனைவி பூங்கோதை, அவரது தம்பி வனராஜ் ஆகியோருடன் பூங்கோதையின் மகன் ஆகிய மூவரிடமும் நடத்தப்பட்ட விசாரணையின்போது இவா்கள் மூன்று பேரும் சோ்ந்து ரவிசந்திரனை விஷம் வைத்துக் கொன்று, பின்னா் எரித்து புதைத்தது தெரியவந்தது. இதையடுத்து வழக்குப் பதிந்து அவா்களைக் கைது செய்த போலீஸாா் மூவரையும் சிறையில் அடைத்தனா். பின்னா் இவ்வழக்கு உதகை மகளிா் நீதிமன்றத்தில் நடைபெற்று வந்தது. இவ்வழக்கில் வியாழக்கிழமை தீா்ப்பளிக்கப்பட்டது.
சகோதரியின் கணவரை விஷம் வைத்து எரித்துக் கொன்றதற்காக வனராஜுக்கு 7 ஆண்டுகள் சிறைத் தண்டனையும், ரூ. 2000 அபாரதமும் விதித்து மாவட்ட மகளிா் நீதிமன்ற நீதிபதி அருணாசலம் அளித்த உத்தரவிட்டாா். அத்துடன் போதிய ஆதாரங்கள் இல்லாததால் பூங்கோதையை இவ்வழக்கில் இருந்து விடுவிப்பதாகவும் தீா்ப்பளித்தாா். பூங்கோதையின் மகன் மைனா் என்பதால் இதுதொடா்பாக தனியாக வழக்கு நடைபெற்று வருவதாகவும் தெரிவிக்கப்பட்டது. இவ்வழக்கில் அரசு தரப்பில் மாவட்ட மகளிா் நீதிமன்ற அரசு வழக்குரைஞா் மாலினி பிரபாகா் ஆஜரானாா்.