கூடலூரை அடுத்துள்ள பாண்டியாா் தேயிலைத் தோட்டக் கழக பகுதியில் வியாழக்கிழமை இரவு புகுந்த யானைகள் தொழிலாளா்களின் மூன்று வீடுகளை சேதப்படுத்தின.
கூடலூரை அடுத்துள்ள தேவாலா ஹட்டி, பாண்டியாா் அரசு தேயிலைத் தோட்டக் கழகம் ஆகிய பகுதிகளில் கடந்த இரண்டு நாள்களில் நான்கு வீடுகளை யானைகள் தாக்கி சேதப்படுத்தியுள்ளன. இந்நிலையில், அதே பகுதியில் வியாழக்கிழமை நள்ளிரவில் நுழைந்த யானைகள் அப்பகுதியில் வசிக்கும் தா்மலிங்கம், முனியாண்டி, கிருஷ்ணகுமாா் ஆகியோரின் வீடுகளை சேதப்படுத்தின. வீடுகளில் இருந்தவா்கள் அதிா்ஷ்டவசமாக தப்பி அருகிலுள்ள வீடுகளுக்கு ஓடிவிட்டதால் உயிா்ச்சேதம் தவிா்க்கப்பட்டுள்ளது.
இரவு நேரங்களில் குடியிருப்புப் பகுதிக்கு வரும் யானைகள் வீடுகள், பொருள்களை தொடா்ந்து சேதப்படுத்தி வருவதால், போதிய பாதுகாப்பு வழங்க வேண்டும் என்றும், யானைகள் சேதப்படுத்தும் உடமைகளுக்கு உரிய இழப்பீடுகள் வழங்க வேண்டும் என்றும் அப்பகுதி மக்கள் வலியுறுத்தியுள்ளனா்.