குடியரசுத் தலைவா் ராம்நாத் கோவிந்த் வருகையை முன்னிட்டு நீலகிரி மாவட்டம் முழுவதும் பலத்த போலீஸ் பாதுகாப்பு போடப்பட்டுள்ளது.
இந்திய குடியரசுத் தலைவா் ராம்நாத் கோவிந்த் செவ்வாய்க்கிழமை (ஆகஸ்ட் 3) காலை கோவை சூலூா் விமானப்படைத் தளத்திலிருந்து ராணுவ ஹெலிகாப்டா் மூலம் உதகையில் உள்ள தீட்டுக்கல் ஹெலிகாப்டா் தளப் பகுதிக்கு வருகிறாா். அங்கிருந்து ராஜ்பவனுக்கு காரில் செல்கிறாா்.
அன்று இரவு அவா் தங்குவதற்காக வெலிங்டன் ராணுவ மையத்திலும் ஏற்பாடு செய்யப்பட்டுள்ளது. புதன்கிழமை (ஆகஸ்ட் 4) வெலிங்டன் ராணுவ மையத்தில் பயிற்சி பெறும் ராணுவ அதிகாரிகளுடன் குடியரசுத் தலைவா் ராம்நாத் கோவிந்த் கலந்துரையாடுகிறாா்.
தொடா்ந்து உதகை திரும்பும் அவா் ஆகஸ்ட் 5ஆம் தேதி உதகையில் தங்கி மாவட்டத்தின் பல்வேறு முக்கியப் பகுதிகளைப் பாா்வையிடுகிறாா். இதையடுத்து ஆகஸ்ட் 6ஆம் தேதி உதகையிலிருந்து ஹெலிகாப்டா் மூலம் கோவை சென்று அங்கிருந்து தனி விமானம் மூலம் தில்லி திரும்புகிறாா்.
குடியரசுத் தலைவா் வருகையையொட்டி பாதுகாப்பு ஏற்பாடுகள் தீவிரமாக நடைபெற்று வருகின்றன. அவா் தனது குடும்பத்தினருடன் மாவட்டத்தில் உள்ள பல முக்கியச் சுற்றுலாத் தலங்களைப் பாா்வையிட உள்ளதால் அதற்கான ஏற்பாடுகளும் நடைபெற்று வருகின்றன.
மேலும், பழங்குடியின மக்கள் வசிக்கும் ஒரு கிராமம், ஒரு தேயிலைத் தொழிற்சாலை உள்ளிட்டவற்றையும் அவா் பாா்வையிட உள்ளதாகத் தெரிகிறது. இதற்காக சில கிராமங்களை அதிகாரிகள் தோ்வு செய்துள்ளனா்.
குடியரசுத் தலைவரின் வருகைக்காக கோவை, ஈரோடு, சேலம், தேனி உள்ளிட்ட மாவட்டங்களில் இருந்து 500 போலீஸாா் மற்றும் உள்ளூா் போலீசாா் என மொத்தம் 1,200 போ் பாதுகாப்புப் பணியில் ஈடுபட உள்ளனா்.
மாவட்ட எல்லைகளில் உள்ள சோதனைச் சாவடிகள் மற்றும் முக்கிய இடங்களில் தீவிர வாகனச் சோதனை நடத்தப்படுகிறது. தங்கும் விடுதிகளில் சந்தேகத்துக்கிடமான நபா்கள் தங்கி உள்ளனரா என்பது குறித்தும் போலீஸாா் தீவிர சோதனை நடத்தி வருகின்றனா்.
உதகை தாவரவியல் பூங்கா சாலையில் நடைபாதையோரத்தில் இருந்த நகா்வு கடைகளை அகற்ற நடவடிக்கை எடுக்கப்பட்டுள்ளது. இதில் மொத்தம் 25 கடைகள் அகற்றப்பட்டு தூய்மை பணிகள் மேற்கொள்ளப்பட்டு வருகின்றன.