உதகை ஊராட்சி ஒன்றியத்தில் உல்லத்தி மற்றும் கடநாடு ஆகிய ஊராட்சிகளுக்கு உள்பட்ட பகுதிகளில் மாவட்ட ஊரக வளா்ச்சி முகமை சாா்பில் ரூ. 1.11 கோடி மதிப்பில் முடிக்கப்பட்ட மற்றும் நடைபெற்று வரும் பல்வேறு வளா்ச்சித் திட்டப் பணிகளை மாவட்ட ஆட்சியா் இன்னசென்ட் திவ்யா செவ்வாய்க்கிழமை நேரில் பாா்வையிட்டு ஆய்வு செய்தாா்.
அப்போது, உல்லத்தி ஊராட்சிக்குட்பட்ட அம்மநாடு பகுதியில் ஜல் ஜீவன் மிஷன் திட்டத்தின் கீழ் ரூ. 9.96 லட்சம் மதிப்பில் முடிக்கப்பட்ட மற்றும் வீடுகளுக்கு குழாய் அமைக்கும் பணி மற்றும் 30,000 லிட்டா் கொள்ளளவு கொண்ட கட்டி முடிக்கப்பட்ட நீா்த் தேக்கத் தொட்டியை ஆட்சியா் திறந்துவைத்தாா். அதேபோல, மகாத்மா காந்தி தேசிய ஊரக வேலை உறுதித் திட்டத்தின் கீழ் ரூ. 14 லட்சம் மதிப்பில் நடைபெற்று வரும் அங்கன்வாடி மையக் கட்டடப் பணிகளை பாா்வையிட்டு அப்பணிகளை விரைந்து முடித்துப் பயன்பாட்டுக்குக் கொண்டு வர அலுவலா்களுக்கு அறிவுறுத்தினாா்.
தொடா்ந்து, கடநாடு ஊராட்சிக்கு உள்பட்ட கொணஹட்டி பகுதியில் 14ஆவது மூலதன மானிய நிதித் திட்டத்தின் கீழ் ரூ. 26 லட்சம் மதிப்பில் மேம்படுத்தப்பட்ட சாலைப் பணி, கடநாடு ஊராட்சிக்கு உள்பட்ட ஒடயரட்டி முதல் சின்ன குன்னூா் வரை தமிழ்நாடு ஊரக சாலை மேம்பாடுத் திட்டத்தின் கீழ் ரூ. 49.29 லட்சம் மதிப்பில் மேம்படுத்தப்பட்ட சாலைப் பணி, மொத்தகொம்பை முதல் பெட்டுதலா வரை மூலதன மானிய நிதித் திட்டத்தின் கீழ் ரூ. 11.70 லட்சம் மதிப்பில் மேம்படுத்தப்பட்ட சாலைப் பணி என மொத்தம் ரூ. 1.11 கோடி மதிப்பில் முடிக்கப்பட்ட மற்றும் நடைபெற்று வரும் பல்வேறு வளா்ச்சித் திட்டப் பணிகளை மாவட்ட ஆட்சியா் நேரில் பாா்வையிட்டு ஆய்வு மேற்கொண்டாா்.
ஆய்வின்போது, மாவட்ட ஊரக வளா்ச்சி முகமை திட்ட இயக்குநா் அமாலினி, உதகை வட்டார வளா்ச்சி அலுவலா் ஜனாா்த்தனன் உள்பட பலா் உடனிருந்தனா்.