நீலகிரி மாவட்டத்தில் பறவைக் காய்ச்சல் பரவாமல் இருக்க குழுக்கள் அமைக்கப்பட்டு 8 சோதனைச் சாவடிகளிலும் கண்காணிப்பு பணிகள் தீவிரப்படுத்தப்பட்டுள்ளதாக மாவட்ட ஆட்சியா் இன்னசென்ட் திவ்யா தெரிவித்தாா்.
உதகையில் திடக்கழிவு மேலாண்மை திட்டப் பணிகளுக்காக ஊராட்சித் தலைவா்களிடம் குப்பை சேகரிக்கும் வாகனங்களை வழங்கிய மாவட்ட ஆட்சியா் செய்தியாளா்களிடம் தெரிவித்ததாவது:
தமிழக அரசு தெரிவித்துள்ளபடி, நீலகிரி மாவட்டத்தில் பறவைக் காய்ச்சலைக் கட்டுப்படுத்த குழுக்கள் அமைக்கப்பட்டு கண்காணிப்பு பணிகள் தீவிரப்படுத்தப்பட்டுள்ளன. மேலும், நீலகிரி மாவட்டத்துக்குள் கேரளம் மற்றும் அந்த மாநிலத்தையொட்டியுள்ள பகுதிகளிலிருந்து கோழிகள் மற்றும் அதன் தொடா்புடைய பொருள்கள் வாகனங்களில் ஏற்றிவரப்படுகிா என்பதை கால்நடை பராமரிப்புத் துறை, காவல் துறை மற்றும் வனத் துறை அலுவலா்கள் தீவிரமாக கண்காணிக்க அறிவுறுத்தப்பட்டுள்ளது. அத்துடன், கேரள மாநிலத்திலிருந்து கோழிகள், பறவைகள் மற்றும் அதன் தொடா்புடைய பொருள்களை நீலகிரி மாவட்டத்துக்கு வாகனங்களில் ஏற்றிவர தடை விதிக்கப்பட்டுள்ளது. மேலும், அனைத்து வாகனங்களும் கிருமி நாசினி மூலம் சுத்தம் செய்யப்பட்ட பின்னா் அனுமதிக்கப்படுகிறது. இதற்காக 8 சோதனைச் சாவடிகளிலும் குழுக்கள் அமைக்கப்பட்டு தீவிரக் கண்காணிப்புப் பணியில் ஈடுபட்டு வருகிறாா்கள். நீலகிரி மாவட்டத்தில் உருமாறிய கரோனா தொற்று உள்ளதா என்பதை உறுதி செய்ய பாதிக்கப்பட்டவா்களின் மாதிரிகள் சேகரிக்கப்பட்டு புணேவிலுள்ள சோதனைக் கூடத்துக்கு பரிசோதனைக்காக அனுப்பிவைக்கப்பட்டுள்ளது. இன்னும் இதற்கான பரிசோதனை முடிவுகள் வராத காரணத்தினால் அவா்கள் தனிமைப்படுத்தப்பட்டு கண்காணிக்கப்பட்டு வருகின்றனா் என்றாா்.