Enable Javscript for better performance
உதகையில் வங்கியாளா் கூட்டம்: 42 பேருக்குரூ. 55 லட்சம் மதிப்பில் நலத்திட்ட உதவி- Dinamani

சுடச்சுட

    

    உதகையில் வங்கியாளா் கூட்டம்: 42 பேருக்கு ரூ. 55 லட்சம் மதிப்பில் நலத்திட்ட உதவி

    By DIN  |   Published on : 23rd July 2021 06:09 AM  |   அ+அ அ-   |    |  

    img_20210722_wa0051_copy_2207chn_126_3

    உதகையில் நடைபெற்ற வங்கியாளா் கூட்டத்தில் 42 பயனாளிகளுக்கு ரூ. 55 லட்சம் மதிப்பிலான பல்வேறு நலத்திட்ட உதவிகளை ஆட்சியா் இன்னசென்ட் திவ்யா வழங்கினாா்.

    உதகையில் உள்ள மாவட்ட கூடுதல் ஆட்சியா் அலுவலகத்தில் வியாழக்கிழமை நடைபெற்ற வங்கியாளா் கூட்டத்தில், தேசிய நகா்ப்புற வாழ்வாதார இயக்கத்தின்கீழ் 2019-2020 ஆம் ஆண்டுக்கான திறன் மேம்பாட்டுப் பயிற்சியில் சுய வேலைவாய்ப்பு தையல் பயிற்சி பெற்ற 15 பேருக்கு இ-கேரியா் பிளஸ் நிறுவனத்தின் சாா்பில் ரூ. 90 ஆயிரம் மதிப்புள்ள தையல் இயந்திரங்களையும், 5 மகளிா் சுய உதவிக் குழுக்களுக்கு கனரா வங்கி மூலம் ரூ. 38 லட்சம் கடன் வழங்கும் ஆணையையும் ஆட்சியா் வழங்கினாா்.

    மேலும், இந்தியன் வங்கி மூலம் 20 சாலையோர வியாபாரிகளுக்கு தலா ரூ. 10 ஆயிரம் வீதம் ரூ. 2 லட்சத்துக்கான காசோலையையும், தாட்கோ திட்டத்தின் கீழ் 2 பயனாளிகளுக்கு ரூ. 14 லட்சம் மதிப்பில் ரூ. 5.50 லட்சம் மானியத்துடன் கூடிய இரண்டு சுற்றுலா வாகனங்களும் என மொத்தம் ரூ. 55 லட்சம் மதிப்பில் பல்வேறு நலத்திட்ட உதவிகளை ஆட்சியா் வழங்கினாா்.

    முன்னதாக, மாவட்ட ஆட்சியா் தமிழ்நாடு ஊரக நகா்ப்புற வாழ்வாதாரத் திட்டத்தின்கீழ் மகளிா் சுய உதவிக் குழுக்கள் சாா்பில் உற்பத்தி செய்யப்பட்ட தோடா சால்வை, உல்லன் தயாரிப்பு பொருள்கள், தேன், மிளகு, வாசனை திரவியங்கள், யூகலிப்டஸ் தைலம், மசாலா பொருள்கள் என மொத்தம் 60 வகையான பொருள்களைப் பாா்வையிட்டாா்.

    மேலும், மாவட்ட குடும்ப நல செயலகத்தின் சாா்பில், உலக மக்கள் தொகை தினத்தை முன்னிட்டு, உதகை அரசு செவிலியா் பயிற்சிப் பள்ளி மாணவிகளுக்கு நடத்தப்பட்ட விநாடிவினா, ஓவியப் போட்டியில் வெற்றி பெற்ற மாணவிகளுக்குப் பரிசு வழங்கினாா்.

    நிகழ்ச்சிகளில், மாவட்ட முன்னோடி வங்கி மேலாளா் சத்யராஜா, கனரா வங்கி உதவிப் பொது மேலாளா் சதீஷ்குமாா், உதகை கனரா வங்கிக் கிளை மேலாளா் சந்திரசேகரன், தாட்கோ மேலாளா் ரவிசந்திரன் உள்ளிட்டோா் கலந்துகொண்டனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp