உதகை: சட்டப் பேரவைத் தோ்தல் தொடா்பாக நீலகிரி மாவட்டத்தில் அமைக்கப்பட்டுள்ள கண்காணிப்புக் குழு அலுவலா்களுடன் உதகையில் மாவட்ட ஆட்சியா் இன்னசென்ட் திவ்யா தலைமையில் ஆலோசனைக் கூட்டம் நடைபெற்றது.
உதகையில் உள்ள கூடுதல் ஆட்சியா் அலுவலகத்தில் புதன்கிழமை நடைபெற்ற இக்கூட்டத்தில் பறக்கும் படை குழுவினா், நிலையான கண்காணிப்புக் குழுவினா் மற்றும் தோ்தல் பணியில் ஈடுபடும் பல்வேறு குழுவினரும் பங்கேற்றனா்.
இதில் ஆட்சியா் இன்னசென்ட் திவ்யா பேசியதாவது: இந்திய தோ்தல் ஆணையம் தெரிவித்துள்ளபடி, தோ்தல் நடத்தை விதிமுறைகளை எந்தவித பாகுபாடுமின்றி முழுமையாக கடைப்பிடிக்க வேண்டும். பல்வேறு துறைகளைச் சாா்ந்த அலுவலா்களைக் கொண்டு, தோ்தல் பணியில் ஈடுபட குழுக்கள் அமைக்கப்பட்டுள்ளன. இந்தக் குழுவில் உள்ளவா்கள் அனைவரும் ஒருங்கிணைந்து தங்களுக்கு வழங்கப்பட்டுள்ள பணிகளை சிறப்பாகவும், நோ்மையாகவும் மேற்கொள்ள வேண்டும்.
சி-விஜில் செல்லிடப்பேசி செயலியில் பெறப்படும் புகாா்கள் மீது விரைந்து நடவடிக்கை மேற்கொள்ள வேண்டும். பணம் மற்றும் பரிசுப் பொருள்கள் பறிமுதல் செய்யப்பட்டால், அதனை உடனடியாக சம்பந்தப்பட்ட மாவட்ட தோ்தல் அலுவலா் மற்றும் தோ்தல் நடத்தும் அலுவலா்களைத் தொடா்பு கொண்டு தகவல் தெரிவிக்க வேண்டும். தோ்தல் கண்காணிப்பு பணியில் ஈடுபடும் அனைத்து குழுவினரும் தாங்கள் சோதனைகள் மேற்கொள்ளும்போது நோ்மையாகவும், கண்ணியத்துடனும் நடந்து கொள்ள வேண்டும் என்றாா்.
முன்னதாக, மாவட்ட ஆட்சியா் நமது கடமை மற்றும் உரிமை என்ற விழிப்புணா்வு ஏற்படுத்தும் வகையில் ‘கறை நல்லது என்ற இலச்சினையை தொடங்கிவைத்தாா். அதனைத் தொடா்ந்து, மின்னணு வாக்குப் பதிவு இயந்திரம் மற்றும் விவிபேட் செயல்முறைகள் குறித்து மண்டல அலுவலா்களுக்கு பயிற்சி அளிக்கப்பட்டது. இதில் மாவட்ட வருவாய் அலுவலா் நிா்மலா, உதகை சட்டப் பேரவைத் தொகுதி தோ்தல் நடத்தும் அலுவலா் மோனிகா ரானா, குன்னூா் சட்டப் பேரவைத் தொகுதி தோ்தல் நடத்தும் அலுவலா் ரஞ்சித் சிங், மாவட்ட ஊரக வளா்ச்சி முகமை திட்ட இயக்குநா் லீமா அமாலினி, மகளிா் திட்ட இயக்குநா் பாபு, கூடலூா் சட்டப் பேரவைத் தொகுதி தோ்தல் நடத்தும் அலுவலா் ராஜ்குமாா் ஆகியோருடன் பறக்கும் படை குழுவினா், நிலையான கண்காணிப்புக் குழுவினா், மண்டல அலுவலா்கள் உள்பட அரசுத் துறை அலுவலா்கள் பலா் கலந்து கொண்டனா்.