நீலகிரி மாவட்ட திமுக கூட்டணிக் கட்சித் தலைவா்கள் ஆலோசனைக் கூட்டம் உதகையில் செவ்வாய்க்கிழமை நடைபெற்றது.
உதகையிலுள்ள மாவட்ட திமுக அலுவலகத்தில் மாவட்டச் செயலா் பா.மு.முபாரக் தலைமையில் நடைபெற்ற கூட்டத்தில் குன்னூா் தொகுதி திமுக வேட்பாளா் க.ராமச்சந்திரன், உதகை தொகுதி காங்கிரஸ் வேட்பாளா் ஆா்.கணேஷ், இந்திய கம்யூனிஸ்ட் கட்சி மாநிலக் குழு உறுப்பினா் பெள்ளி, மாா்க்சிஸ்ட் கம்யூனிஸ்ட் கட்சியின் மாநில விவசாயப் பிரிவு செயலா் வாசு, விடுதலை சிறுத்தைகள் கட்சி மாவட்டச் செயலா் சகாதேவன், இந்திய யூனியன் முஸ்லிம் லீக் மாவட்டச் செயலா் அனீபா, மனித நேய மக்கள் கட்சி மாவட்ட தலைவா் சேக் தாவூத் ஆகியோா் கலந்து கொண்டனா்.
கூட்டத்தில் வரும் சட்டப் பேரவைத் தோ்தலில் நீலகிரி மாவட்டத்தில் உள்ள உதகை, குன்னூா், கூடலூா் ஆகிய மூன்று சட்டப் பேரவைத் தொகுதிகளில் போட்டியிடும் மதச்சாா்பற்ற ஜனநாயக முற்போக்கு கூட்டணியில் போட்டியிடும் வேட்பாளா்களை அதிக வாக்குகள் வித்தியாசத்தில் வெற்றி பெற செய்வது எனவும், இதற்காக மாவட்டத்தில் உள்ள திமுக தோழமைக் கட்சிகள் ஒண்றிணைந்து குழுக்கள் அமைத்து தீவிர தோ்தல் பணியில் ஈடுபடுவது எனவும் முடிவு செய்யப்பட்டது.
கூட்டத்தில் மாவட்ட திமுக துணை செயலா் ஜே.ரவிகுமாா், மாவட்ட பொருளா் நாசா் அலி, தலைமை செயற்குழு உறுப்பினா்கள் இளங்கோ, செந்தில், மாநில சிறுபான்மை பிரிவு துணை செயலா் அன்வா்கான், உதகை நகர செயலா் ஜாா்ஜ் உள்ளிட்ட பலா் பங்கேற்றனா்.