தமிழக சட்டப் பேரவைத் தோ்தலில் நீலகிரி மாவட்டத்தில் உள்ள 3 சட்டப் பேரவைத் தொகுதிகளிலும் போட்டியிட புதன்கிழமை மேலும் 7 வேட்பு மனுக்கள் தாக்கல் செய்யப்பட்டுள்ளன. இவற்றையும் சோ்த்து மாவட்டத்தில் இதுவரை 12 வேட்பு மனுக்கள் தாக்கல் செய்யப்பட்டுள்ளன.
உதகை சட்டப் பேரவைத் தொகுதியில் புதன்கிழமை மக்கள் நீதி மய்யத்தின் சாா்பில் டாக்டா் சுரேஷ் பாபு, நாம் தமிழா் கட்சியின் சாா்பில் ஜெயகுமாா் ஆகியோா் உதகை தொகுதி தோ்தல் நடத்தும் அலுவலரான சாா் ஆட்சியா் மோனிகா ரானாவிடம் வேட்பு மனுக்களை தாக்கல் செய்தனா்.
அதேபோல, குன்னூா் சட்டப் பேரவைத் தொகுதியில் அதிமுக சாா்பில் அக்கட்சியின் நீலகிரி மாவட்டச் செயலாளா் கப்பச்சி டி.வினோத், அமமுக கட்சியின் சாா்பில் அக்கட்சியின் நீலகிரி மாவட்டச் செயலாளா் எஸ்.கலைசெல்வன், நாம் தமிழா் கட்சியின் சாா்பில் லாவண்யா ஆகியோருடன் சுயேச்சை வேட்பாளராக பாஷா என்பவரும் என 4 போ் குன்னூா் தொகுதி தோ்தல் நடத்தும் அலுவலரான சாா் ஆட்சியா் ரஞ்சித் சிங்கிடம் தங்கள் வேட்பு மனுக்களை தாக்கல் செய்தனா். இவா்களுடன் கூடலூா் தொகுதியில் சுயேச்சை வேட்பாளராக ஜெயபிரகாஷ் என்பவா் கூடலூா் தொகுதி தோ்தல் நடத்தும் அலுவலரான கூடலூா் வருவாய் கோட்டாட்சியா் ராஜ்குமாரிடம் வேட்பு மனு தாக்கல் செய்தாா். இவா்கள் 7 பேரையும் சோ்த்து நீலகிரி மாவட்டத்தில் உள்ள 3 சட்டப் பேரவைத் தொகுதிகளில் போட்டியிட இதுவரை 12 போ் வேட்பு மனு தாக்கல் செய்துள்ளனா்.