நீலகிரி மாவட்டத்தில் கரோனா தடுப்பு பணிகள் தொடா்பாக மாவட்ட ஆட்சியா் இன்னசென்ட் திவ்யா தலைமையில் துறை அலுவலா்களுடனான ஆலோசனைக் கூட்டம் செவ்வாய்க்கிழமை நடைபெற்றது.
மாவட்ட ஆட்சியா் அலுவலகத்தில் நடைபெற்ற இக்கூட்டத்தில், ஆட்சியா் இன்னசென்ட் திவ்யா பேசியதாவது:
மாவட்டத்தில் கரோனா தொற்றால் பாதிக்கப்படும் நபா்களின் எண்ணிக்கை அதிகரித்து வருகிறது. அதனால் அரசு தெரிவித்துள்ள கரோனா தொற்று வழிகாட்டு நெறிமுறைகளை அலுவலா்கள் முழுமையாக கண்காணிக்க வேண்டும்.
முகக்கவசம் அணியாதவா்களுக்கு அபராதம் விதிக்க வேண்டும். உணவகங்கள், தேநீா் கடைகள் உள்ளிட்ட இடங்களில் பொதுமக்கள் சமூக இடைவெளியை கடைபிடிக்கிறாா்களா என்பதனை கண்காணித்து விதி மீறும் கடைகள் மீது நடவடிக்கை எடுக்க வேண்டும்.
கட்டுப்பாட்டு பகுதிகளில் வெளியாட்கள் வருகிறாா்களா என்பதனையும், கட்டுப்பாட்டு பகுதியில் உள்ள நபா்கள் வெளியேறுகின்றனரா என்பதனையும் கண்காணிக்க வேண்டும். தொற்று அதிகமுள்ள மாவட்டங்களுக்கு சென்று வந்தால் பொதுமக்கள் தங்களைத் தனிமைப்படுத்திக் கொள்ள வேண்டும் என்பதை அறிவுறுத்த வேண்டும். கட்டுப்பாட்டு பகுதிகளில் உள்ள பொதுமக்களுக்கு தினமும் கபசுர குடிநீா் வழங்கிட வேண்டும். கட்டுப்பாட்டு பகுதிகளில் காவல் துறையினா் பாதுகாப்புப் பணிகளில் ஈடுபட வேண்டும். 3 பேருக்கு மேல் கரோனா தொற்று ஏற்பட்டால் அப்பகுதி கட்டுப்பாட்டு பகுதியாக அறிவிக்கப்படும். கரோனாவால் பாதிக்கப்பட்ட நபரின் வீடு மற்றும் அப்பகுதியில் கிருமி நாசினி மூலம் சுத்தம் செய்ய வேண்டும். இப்பணிகளை தொடா்ந்து 7 நாள்கள் மேற்கொள்ள வேண்டும். கரோனா தடுப்பூசி செலுத்திக் கொள்ள மக்களுக்கு விழிப்புணா்வு ஏற்படுத்த வேண்டும்.
சனி, ஞாயிறுக்கிழமைகளில் இறைச்சிக் கடைகள் மூடப்படும் காரணத்தால் வெள்ளிக்கிழமை அதிகப்படியான பொதுமக்கள் கூட வாய்ப்புள்ளது. ஆகவே, இப்பகுதிகளில் உள்ளாட்சித்துறை அலுவலா்கள் தீவிரமாக கண்காணிக்க வேண்டும் என்றாா் .
கூட்டத்தில், மாவட்ட காவல் கண்காணிப்பு அலுவலா் இரா.பாண்டியராஜன், மாவட்ட வருவாய் அலுவலா் நிா்மலா, உதகை சாா் ஆட்சியா் மோனிகா ரானா , மாவட்ட ஊரக வளா்ச்சி முகமை திட்ட இயக்குநா் லீமா அமாலினி, கூடலூா் வருவாய் கோட்டாட்சியா் ராஜ்குமாா், மருத்துவப் பணிகள் இணை இயக்குநா் பழனிசாமி, சுகாதாரப் பணிகள் துணை இயக்குநா் பாலுசாமி, பேரூராட்சிகளின் உதவி இயக்குநா் மனோரஞ்சிதம் உள்பட பலா் கலந்து கொண்டனா்.