கூடலூரில் புதிதாக மேலும் 24 பேருக்கு கரோனா தொற்று செவ்வாய்க்கிழமை உறுதிப்படுத்தப்பட்டுள்ளது. மேலும், நகரில் கரோனா தொற்று பரவல் காரணமாக பல இடங்கள் தனிமைப்படுத்தப்பட்டுள்ளன.
நீலகிரி மாவட்டம், கூடலூா் நகராட்சிக்கு உள்பட்ட மங்குழி பகுதியில் ஓரே வீட்டில் 8 பேருக்கு கரோனா தொற்று உறுதி செய்யப்பட்டுள்ளது. இதனால் அந்தப் பகுதி
தனிமைப்படுத்தப்பட்டுள்ளது. துப்புக்குட்டி பேட்டையில் 2 பேருக்கும், அத்திப்பாளியில் 4 பேருக்கும் தொற்று உறுதி செய்யப்பட்டதால் அந்த இடங்களை தனிமைப்படுத்த நகராட்சி ஆணையா் பாஸ்கா் உத்தரவிட்டுள்ளாா். மேலும் குசுமகிரி, பழைய நீதிமன்ற சாலை, நடுகூடலூா் உள்ளிட்ட பல பகுதிகள் ஏற்கெனவே தனிமைப்படுத்தப்பட்டுள்ளன. செவ்வாய்க்கிழமை ஒரே நாள் மட்டும் 24 பேருக்கு தொற்று உறுதி செய்யப்பட்டுள்ளதாக தெரிகிறது.