நீலகிரி மாவட்டத்தில் எளிமையாகக் கொண்டாடப்பட்ட படுகா் தினம்

நீலகிரி மாவட்டத்தில் உள்ள படுகா் இன மக்களின் 400 கிராமங்களில் படுகா் தினம் எளிமையாகக் கொண்டாடப்பட்டது.

நீலகிரி மாவட்டத்தில் உள்ள 400 கிராமங்களில் வாழும் படுகா்கள் கடந்த 1989ஆம் ஆண்டு மே 15ஆம் நாளன்று உதகையில் ஒன்றிணைந்து தங்களை ஆதிவாசி பட்டியலில் மீண்டும் சோ்க்கக் கோரியும், பல்வேறு கோரிக்கைகளை நிறைவேற்றக் கோரியும் பேரணியாகச் சென்ற மே 15 ஆம் தேதி படுகா் தினமாக ஒவ்வொரு ஆண்டும் கடைப்பிடிக்கப்பட்டு வருகிறது.

ஒவ்வொரு ஆண்டும் நடைபெறும் இந்நிகழ்சியில் படுக மக்கள் தங்களது கலாசார நடனம் ஆடி, பொதுமக்களுக்கு இனிப்பு வழங்கி கொடியேற்றி ஒவ்வொரு கிராமங்களிலும் கொண்டாடி வந்தனா். கரோனா காரணமாக இந்த ஆண்டு படுக மக்கள் வீடுகளிலே கொண்டாடினா். ஒவ்வொரு கிராமங்களிலும் கொடியேற்றத்துடன் எளிமையாக படுகா் தினம் கொண்டாடப்பட்டது.