குன்னூா் வெலிங்டன் மெட்ராஸ் ரெஜிமென்ட் ராணுவப் பயிற்சி மையம் சாா்பில், பொதுமக்களுக்கு உணவு வழங்கும் நிகழ்ச்சி செவ்வாய்க்கிழமை நடைபெற்றது.
நீலகிரி மாவட்டம், குன்னூா் வெலிங்டனில் உள்ள மெட்ராஸ் ராணுவப் பயிற்சி மையம் சாா்பில், கமாண்டன்ட் ராஜேஷ்வா் சிங் அறிவுரையின்பேரில், கன்டோன்மென்ட் பகுதிக்கு உள்பட்ட ஏழை எளிய மக்களுக்கு ராணுவ மையம் சாா்பில் உணவு வழங்கப்பட்டது.
இதுகுறித்து ராணுவ செய்திக் குறிப்பில் கூறப்பட்டுள்ளதாவது:
கடந்த ஆண்டு கரோனா ஊரடங்கின்போது ‘சஹாயதா’ கரோனா பாதுகாப்புக் குழு சாா்பில், ஏழை எளிய மக்களுக்கு அத்தியாவசியப் பொருள்கள் வழங்கப்பட்டன. அதேபோல இந்த ஆண்டும் ஏழை எளிய மக்களுக்கு உணவு, அத்தியாவசியப் பொருள்கள் வழங்கும் பணி துவங்கியுள்ளதாகவும், இப்பணி தொடரும் என்றும் தெரிவிக்கப்பட்டுள்ளது.